الماتى, استانا, وسكەمەن مەن سەمەي قالالارىنىڭ دۇكەندەرىندە ساۋدالانادى
اۋىلداعى شۇجىق زاۋىتىنىڭ اتاق-داڭقى بۇل كۇندەرى كوپشىلىككە جاقسى تانىس. ءۇرجاردىڭ شۇجىعىن قازىر ەلىمىزدەگى بىرنەشە قالالار مەن وبلىس ورتالىعىنىڭ تۇرعىندارى ىزدەپ ءجۇرىپ ساتىپ الادى دەسەك, ارتىق ايتقاندىق ەمەس. سەبەبى, باعاسى جۇرت قالتاسى كوتەرەرلىكتەي, ونىڭ ۇستىنە ءدامى ءتىل ۇيىرەدى.
الماتى, استانا, وسكەمەن مەن سەمەي قالالارىنىڭ دۇكەندەرىندە ساۋدالانادى
اۋىلداعى شۇجىق زاۋىتىنىڭ اتاق-داڭقى بۇل كۇندەرى كوپشىلىككە جاقسى تانىس. ءۇرجاردىڭ شۇجىعىن قازىر ەلىمىزدەگى بىرنەشە قالالار مەن وبلىس ورتالىعىنىڭ تۇرعىندارى ىزدەپ ءجۇرىپ ساتىپ الادى دەسەك, ارتىق ايتقاندىق ەمەس. سەبەبى, باعاسى جۇرت قالتاسى كوتەرەرلىكتەي, ونىڭ ۇستىنە ءدامى ءتىل ۇيىرەدى.
– «شۆاب شۇجىعى» جاۋاپكەرشىلىگى شەكتەۋلى سەرىكتەستىگى 1995 جىلى قۇرىلعان. قازىر مۇندا 80 ادام جۇمىس ىستەپ, تاعامداردىڭ 60-تان استام ءتۇرىن شىعارىپ جاتىر. ماسەلەن, «الاكول», «مۇسىلمان», «اڭشىلىق» جارتىلاي ىستالعان شۇجىقتىڭ ءبىر كيلوگرامى 800-1200 تەڭگە تۇرادى. «دوكتورلىق» شۇجىقتىڭ ءبىر كيلوگرامى 860 تەڭگە عانا. ەلباسىنىڭ قازاقستان حالقىنا جولداۋىندا اۋىلشارۋاشىلىق ونىمدەرىن شىعارۋدا تىڭ ىزدەنىستەر بولۋى قاجەتتىگى اتاپ كورسەتىلگەن. جاقىندا عانا ءسۇت ونىمدەرىنەن قۇرت, ىرىمشىك, باسقا دا تاعامداردى شىعارىپ, وسكەمەندەگى اۋىلشارۋاشىلىق جارمەڭكەسىنە اپارعانىمىزدا, تۇتىنۋشىلار پىشاق ۇستىنەن تالاپ اكەتتى. ءۇرجاردا 56 مەكتەپ بار, ساۋدا ورىندارى جۇزدەپ سانالادى, ولار نان-توقاش تاعامدارىنا تاپسىرىس بەرىپ جاتاتىن. جاقىندا عانا «ءتاتتى-ءدامدى» سەرىكتەستىگىن قۇردىق, وندا 15 ادام جۇمىس ىستەمەك, بۇرىن ءتاتتى توقاشتار مەن تورتتى الماتىدان تاسىساق, ەندى ءۇرجاردا شىعاراتىن بولدىق, – دەپ سەرىكتەستىكتىڭ باسشىسى سايلاۋبەك نۇرسيلەنوۆ كاسىپورىننىڭ تىنىس-ءتىرشىلىگىمەن تانىستىرىپ ءوتتى.
كەڭ تسەح ءىشىن ارالاپ ءجۇرمىز. تەحنولوگ ايگۇل شوقاناەۆا مۇندا ۇزاق جىلدان بەرى ەڭبەك ەتەدى ەكەن. كاسىپورىننىڭ ءىشى تازا, قاز-قاتار تۇرعان قىز-كەلىنشەكتەر شۇجىق تاعامدارىن جاساۋدا. تاعى ءبىر جاڭالىق, سەرىكتەستىك 50 ميلليون تەڭگەگە ارنايى قوندىرعى ساتىپ الىپ, «حالال» شۇجىقتارىن شىعارۋدى يگەرىپتى. 30 ميلليون تەڭگە نەسيە الىپ, كاسىپورىننىڭ قوندىرعىلارىن وزگەرتكەن. ايگۇل كاكەنقىزىنىڭ ايتۋىنشا, كۇنىنە ءۇش تونناعا جۋىق شۇجىق شىعارىلادى ەكەن. جىل باسىنان بەرى سەرىكتەستىك 171 توننا شۇجىق وندىرگەن. ال مال جاقىن ماڭداعى اۋىلداردان ساتىپ الىنادى ەكەن.
– «شۆاب شۇجىعى» سەرىكتەستىگىنىڭ باسشىلارى ۇنەمى ءىزدەنىستە جۇرەدى, قانداي ءبىر جاڭالىقتارعا جانى قۇمار. شۇجىق شىعارۋ بار دا, ونى تۇتىنۋشىلارعا ساتۋ وڭاي شارۋا ەمەس. جاقىندا كاسىپورىن باسشىسى سايلاۋبەك كۇسەتاي ۇلى ماعان جولىعىپ, وسكەمەندە جاڭادان اشىلعان فەرمەرلەر ورتالىعىنان ورىن الىپ, ءوز ونىمدەرىن ساتۋ جونىندە ۇسىنىسىن ايتتى. بۇدان بىلاي, وبلىس ورتالىعىنىڭ تۇرعىندارى كاسىپورىن باعاسىمەن ساتىپ الۋ مۇمكىندىگىنە يە بولدى. بال قۇياتىن قوراپشالار دا جاسالىپ, ءۇرجاردىڭ اعزاعا پايدالى ءتاتتى ءدامىن شىعارا باستادى. وعان دا سۇرانىس جوعارى, – دەپ اۋدان اكىمى سەرىك زاينۋلدين كاسىپورىن قۇلاشىنىڭ كەڭگە جايا باستاعانىن اڭعارتتى.
ۇرجارداعى شۇجىق كاسىپورنى الداعى ۋاقىتتا دا ءوز تاعامدارىمەن كوپشىلىكتى قۋانتا بەرمەك.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
ءۇرجار اۋدانى.
