ءبىلىم • 11 قىركۇيەك، 2020

الماتىدا وقۋشىلارعا 15 مىڭ نوۋتبۋك قاي ۋاقىتقا دەيىن بەرىلەدى؟

239 رەت كورسەتىلدى

وڭىرلىك كوممۋنيكاتسيالار قىزمەتى الاڭىندا ءبىلىم بەرۋ مەكەمەلەرىندەگى احۋالدان حاباردار ەتكەن الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ وقۋ بارىسىن ۇيىمداستىرۋ ماسەلەسىنە توقتالدى، دەپ جازادى Egemen.kz

العاشقى ون كۇندەگى وقۋ بارىسىن جۇيەلى دە جوسپارلى باستالدى دەگەن ق.جۇمانوۆ قالادا 270 مىڭنان استام بالانى قامتيتىن 207 مەملەكەتتىك، ال 16 مىڭنان اتسام بالا وقيتىن 63 جەكەمەنشىك مەكتەپ بار، دەپ اتاپ ءوتتى. قىركۇيەكتە ءبىرىنشى سىنىپقا بارعاندار سانى – 27 809. وقۋشىلار ەپيدەميالىق جاعدايعا بايلانىستى 205 مەكتەپتە قاشىقتىقتان ءبىلىم الۋدا. سونىمەن قاتار شتاتتىق كەستەگە وراي ءبىلىم الىپ جاتقان مەكتەپتەر جۇمىسىنا توقتالعان ق.جۇمانوۆ قازىرگى كەزدە قالاداعى 102 مەكتەپتە 1-2-سىنىپتار ءۇشىن كەزەكشى سىنىپتار اشىلعاندىعىن جەتكىزدى. وندا ون بەس وقۋشىدان اسپايتىن جاعدايدا 3353 بالانى قامتيتىن 256 كەزەكشى توپ ۇيىمداستىرىلعان.  بۇل توپتاردا 256 مۇعالىم ساباق بەرۋدە. ال مەكتەپتەردە ءپان مۇعالىمدەرىنىڭ جەتىسپەۋشىلىگى جوق.

ق.جۇمانوۆ سونىمەن قاتار جاڭا وقۋ جىلىنا وراي 50 مىڭنان استام وقۋشى مەن مۇعالىمدەرگە كومپيۋتەرلىك تەحنيكا بەرىلگەندىگىن جەتكىزدى. كومپيۋتەر جوق وتباسىلارداعى بالالاردى قاجەتتى تەحنيكالارمەن قامتاماسىز ەتۋدە بالالارعا تابىس ەتىلگەن نوۋتبۋكتاردىڭ قايدان كەلگەنىن، كىمدەر سىيلاعانىن نازارعا العان ق.جۇمانوۆ وسى يگى ىسكە اتسالىسقان ۇيىمدار جايىندا مالىمەت بەرىپ ءوتتى. تاراتا ايتار بولساق،  جان باسىنا قارجىلاندىرۋ بويىنشا مەكتەپتەر 9 120 نوۋتبۋك ساتىپ السا، جەرگىلىكتى بيۋدجەت ەسەبىنەن 22 212 پلانشەت، 11 042 كومپيۋتەر ساتىپ الىنىپ، ونىڭ 2 مىڭى بەرىلگەن. ال  قالعان 9 مىڭى 15 قىركۇيەككە دەيىن جەتكىزىلەتىن بولادى. ال 38 591 كومپيۋتەرلىك تەحنيكا ۇكىمەتتىڭ رەزەرۆتىك قورى ەسەبىنەن الىنىپ، ونىڭ 18 388-ءى جەتكىزىلگەن. قالعان 5 203 پلانشەت پەن 15 000 نوۋتبۋك 15 قىركۇيەككە دەيىن جەتكىزىلەتىن بولادى.

ق.جۇمانوۆ دەمەۋشىلىك كومەك ەسەبىنەن دە ۇلكەن كومەك كورسەتىلگەنىن اتاپ ءوتتى. 150 نوۋتبۋكتى ەلىمىزدىڭ سىرتقى ىستەر مينيسترلىگى، "قازاقستاندىق ديپلوماتتار بىرلەستىگى" جانە  بالا قۇقىقتارى جونىندەگى ۋاكىلى ارۋجان ساين الەۋمەتتىك وسال توپتاعى وتباسىلاردىڭ بالالارىنا بەرسە، "ساليقالى ۇرپاق" قوعامدىق قورىنىڭ دەمەۋشىلەرى 500 نوۋتبۋك، "مەكتەپكە جول" اكتسياسى اياسىندا Nur Otan قالالىق فيليالى الەۋمەتتىك از قامتىلعان وتباسىلارعا 1،5 مىڭ پلانشەت پەن 1000 مەكتەپ قۇرالدارىن سىيعا تارتقان.

سوڭعى جاڭالىقتار

ۇقساس جاڭالىقتار