ايماقتار • 11 قىركۇيەك، 2020

ماڭعىستاۋدا شومىلۋ ماۋسىمى باستالعالى 8 ادام سۋعا كەتتى

17 رەت كورسەتىلدى

بۇل تۋرالى وبلىستىق قوعامدىق كوممۋنيكاتسيا ورتالىعىندا وتكەن ونلاين بريفينگتە ماڭعىستاۋ وبلىسىنىڭ توتەنشە جاعدايلار دەپارتامەنتىنىڭ باسشىسىنىڭ ورىنباسارى بەكبولات ابدىقادىروۆ ءمالىم ەتتى، دەپ حابارلايدى Egemen.kz

"وڭىردە كاسپي تەڭىزى بولعاندىقتان سۋداعى ادامداردىڭ قاۋىپسىزدىگىن قامتاماسىز ەتۋ ماسەلەسى ەرەكشە ماڭىزعا يە. ايماقتا سۋعا شومىلۋ ماۋسىمى باستالعاننان بەرى دەمالۋشىلاردىڭ سانى ارتىپ، جازاتايىم وقيعالاردىڭ كوپتىگى، تەڭىزدە ادامداردىڭ قازا بولۋى بايقالادى. جازاتايىم وقيعالاردىڭ باسىم كوپشىلىگى سۋداعى قاۋىپسىزدىك ەرەجەلەرىن بۇزۋىنان تۋىنداپ وتىر"، دەدى ول.

سۋدا قاۋىپسىزدىكتى قامتاماسىز ەتۋ ماسەلەسى بويىنشا توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ 6 وتىرىسى وتكىزىلدى. ونىڭ ىشىندە 1 وبلىستىق، 5 قالالىق جانە اۋداندىق. شومىلۋ ماۋسىمى كەزەڭىندە ادامداردىڭ قازا بولۋى مەن جاراقاتتانۋىنا جول بەرمەۋ ماقساتىندا 6 ۋچاسكەدە شومىلۋعا تىيىم سالىنعان سۋ ايدىندارىنىڭ ۋچاسكەلەرىن شەكتەيتىن نورماتيۆتىك قۇجاتتار قابىلداندى.

"شومىلۋ ماۋسىمى باستالعاننان باستاپ جەدەل-قۇتقارۋ جاساعىنىڭ كۇشتەرى قىزمەت وتكەرۋدىڭ كۇشەيتىلگەن تۇرىنە اۋىستىرىلدى. سۋعا ءتۇسۋ ءۇشىن قاۋىپتى ۋچاسكەلەردە كەزەكشىلىكتى جۇزەگە اسىراتىن ءموبيلدى بەكەتتەر ۇيىمداستىرىلدى. سونداي-اق، كۇن سايىن جقج كۇشىمەن سۋ ماڭىندا كوپشىلىك دەمالاتىن ورىندارعا پاترۋلدەۋ جانە رەيدتەر جۇرگىزىلەدى. سۋعا شومىلۋ ماۋسىمىنىڭ وتكەن كەزەڭىندە سۋداعى قاۋىپسىزدىك شارالارى تۋرالى بارلىعى 24 مىڭنان استام ۇگىت-ناسيحات ونىمدەرى تاراتىلدى"، دەدى مو توتەنشە جاعدايلار دەپارتامەنتىنىڭ باسشىسى بەكبولات ابدىقادىروۆ.

جەرگىلىكتى پوليتسيا قىزمەتىمەن بىرگە 407 رەيد جۇرگىزىلدى. رەيد بارىسىندا 273 مىڭ تەڭگەدەن استام ايىپپۇل سالىنىپ، 31 ازاماتتى اكىمشىلىك جاۋاپكەرشىلىككە تارتتى.

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

ۇقساس جاڭالىقتار