بىزدەر, پاندەميانىڭ نەگىزگى سوققىلارىن العان شاعىن جانە ورتا كاسىپكەرلىك سالاسىنىڭ وكىلدەرى پرەزيدەنت جولداۋىنان كوپ ءۇمىت كۇتتىك. بۇل جولى پرەزيدەنت كاسىپكەرلەردى ناقتى ىسپەن قولدايتىنىن كورسەتىپ, قيىن جاعدايدان شىعۋدىڭ ناقتى جولدارىن ۇسىنىپ وتىر. ماسەلەن, ەكونوميكا قوزعالىسسىز قالعاندا, قيىندىققا تاپ بولعان 700 مىڭنان استام كاسىپكەرگە سالىق جەڭىلدىكتەرى بەرىلەدى. سونىڭ ىشىندە شاعىن جانە ورتا بيزنەسكە قولداۋ ەرەكشە دەپ ايتۋعا بولادى.
جولداۋدا «شاعىن جانە ورتا بيزنەسكە قوسىمشا كومەك رەتىندە ەكونوميكانىڭ زارداپ شەككەن سالالارىنداعى كاسىپكەرلەردىڭ قازىرگى بارلىق نەسيەلەرىنىڭ 6 پايىزعا دەيىنگى جىلدىق مولشەرلەمەسى بويىنشا مەملەكەتتىك سۋبسيديا بەرۋدى تاپسىرامىن. سۋبسيديالاۋ توتەنشە جاعداي جاريالانعان ساتتەن, ياعني بيىلعى 16 ناۋرىزدان باستاپ 12 ايلىق كەزەڭدى قامتيدى», دەپ ورىندالۋ مەرزىمىن بەلگىلەدى. سونداي-اق كوبىرەك زارداپ شەككەن سەكتورلارداعى شاعىن جانە ورتا كاسىپكەرلىك نىساندارىنىڭ اينالىمداعى قارجىسىن تولىقتىرۋ ماقساتىندا ۇكىمەتتەن قوسىمشا 200 ملرد تەڭگە بەرىلەدى. ەندى ءوڭىر كاسىپكەرلەرى وسى قارجىنىڭ ادىلەتتى تۇردە بولىنگەنىن قالايدى.
جولداۋدا كورسەتىلگەندەي, حالىقتىڭ تابىسىن ساقتاۋ ءۇشىن مەملەكەتتىك ورگاندار مەن كۆازيمەملەكەتتىك سەكتورعا تيەسىلى جىلجىمايتىن م ۇلىك نىساندارىن جالعا الىپ وتىرعان شاعىن ورتا بيزنەس وكىلدەرى وسى جىلدىڭ سوڭىنا دەيىن جالداۋ اقىسىن تولەمەيتىن بولدى. مۇنىمەن قاتار ەڭبەكاقىدان بيۋدجەتتىك ەمەس قورلارعا اۋدارىلاتىن تولەمدەر دە توقتاتىلدى. شاعىن جانە ورتا كاسىپكەرلىك سالاسىنىڭ ىشىندە توقتاپ تۇرعان قىزمەت كورسەتۋ سالاسى بولسا, مۇندا ايەل ادامداردىڭ سانى باسىم. قورىتا ايتقاندا, شاشتاراز, كيىم تىگۋ, تاماق وندىرىسىمەن اينالىساتىن قىز-كەلىنشەكتەر وسى ءتيىمدى شارالار كاسىپتەرىنىڭ اياقتان تەز تۇرۋىنا كومەكتەسەدى دەگەن پىكىردە.
كۇلشات ماساليموۆا,
اقتوبە وبلىسى بويىنشا ىسكەر ايەلدەر قاۋىمداستىعىنىڭ ءتورايىمى
اقتوبە وبلىسى
