قازاقستاننىڭ اگرارلىق قىزمەتكەرلەرىنىڭ تولىققاندى جۇمىس ىستەۋى ءۇشىن پاندەمياعا قاراماستان, وتاندىق زاۋىتتار جىل باسىنان 1 قىركۇيەككە دەيىن 41 ملرد تەڭگە سوماسىنا 790 كومبايندى القاپقا شىعاردى. بۇل تۋرالى قازاقستاندىق اۆتوبيزنەس قاۋىمداستىعى (قابق) حابارلادى.
وتاندىق فەرمەرلەر قوستانايدىڭ "اگروماشحولدينگ KZ" زاۋىتىنىڭ "ESSIL" كومبايندارى ۇلكەن سۇرانىسقا يە بولدى, كاسىپورىندا جىل باسىنان بەرى 278 بىرلىك تەحنيكا ءوندىرىلدى.
كوكشەتاۋ زاۋىتتارىنىڭ ونىمدەرى دە ەگىن جيناۋ ناۋقانى باستالعانعا دەيىن فەرمەرلەردىڭ سۇرانىسىنا يە بولدى. 8 ايدىڭ ىشىندە "KazRost Engineering Ltd" 246 "VECTOR" كومباينىن جانە 180 بىرلىك "ACROS" ءوندىردى. "كايك" جشس 74 بىرلىك "ACROS" تەحنيكاسى مەن 12 "TORUM" كومبايندارىن جەتكىزۋدى قامتاماسىز ەتتى.
ەستەرىڭىزگە سالا كەتسەك, اعىمداعى جىلدىڭ تامىز ايىندا يندۋستريا جانە ينفراقۇرىلىمدىق دامۋ مينيسترلىگىمەن كەلىسىمگە جاقىن ارادا وتاندىق وندىرۋشىلەردىڭ قاتارىنا قوسىلاتىن "CLAAS" نەمىس ءوندىرۋشىسى قول قويعان بولاتىن.
