وقيعا ورنىنا اۋداندىق پوليتسيا قىزمەتكەرلەرى جەتتى.
اۋدانداعى جاۋاپكەرشىلىگى شەكتەۋلى سەرىكتەستىڭ بىرىندە جۇمىس ىستەيتىن 38 جاستاعى جۇمىسشىنىڭ تراكتوردىڭ تىركەمەسىمەن اۋدان ورتالىعىنا بيداي تاسىمالداپ جۇرگەنى انىقتالدى. كولىك تەمىرجول وتكەلىنەن وتە بەرگەن كەزدە تىركەمەسىنىڭ ارتقى دوڭگەلەگى كەنەتتەن بىلەكتەن اجىراتىلىپ كەتكەن. بىلەك وتكەلگە قىسىلىپ قالىپ, تراكتور قوزعالىسىن جالعاستىرا المادى. اتالعان تەمىرجول ۋچاسكەسى ارقىلى جولاۋشىلار پويىزدارى ءجيى وتەتىندىكتەن, تەمىرجولشىلار جانە سەرىكتەستىك جۇمىسشىلارىمەن شۇعىل ءىس-شارالار ۇيىمداستىرىلىپ, ك-700 تراكتورى جولدان ارەڭ دەگەندە سۇيرەپ اكەتىلدى. ساعات 22-دەن اسقاندا توقتاتىلعان "الماتى-پەتروپاۆل" باعىتىنداعى 15-ءشى جولاۋشىلار پويىزى قوزعالىسىن جالعاستىردى.
ەرتەسىنە تەمىرجولشىلار وتكەلدىڭ ءۇستىن جوندەۋگە كىرىستى. ك-700 تراكتورىنىڭ جۇرگىزۋشىسىنە قاتىستى اكىمشىلىك قۇقىق بۇزۋشىلىق تۋرالى كودەكستىڭ "قۇجاتتارى جوق جانە باسقارۋ قۇقىعىجوق ادامنىڭ كولiك قۇرالىن باسقارۋى" بابى جانە "جولداردى, تەمiرجول وتپەلەرiن جانە باسقا جول قۇرىلىستارىن ءبۇلدiرۋ" بابى بويىنشا ماتەريالدار جينالۋدا. كەيىن ول سوتقا جولداناتىن بولادى.
سولتۇستىك قازاقستان وبلىسى
