رف پرەزيدەنتى رەسەي توراعالىعى شانحاي ىنتىماقتاستىق ۇيىمى قارقىندى باسەڭدەتپەي جانە ءتيىمدى جۇمىس ىستەۋى ءۇشىن قاجەتتىنىڭ بارلىعىن جاساۋعا تىرىسقانىن اتاپ ءوتتى. "شىۇ ەۋرازيالىق ايماقتا بەيبىتشىلىك پەن قاۋىپسىزدىكتى, تۇراقتى دامۋدى قامتاماسىز ەتۋدە ماڭىزدى ءرول اتقارادى. تەڭ قۇقىلىق جانە مۇددەلەردى ءوزارا ەسەپكە الۋ قاعيداتتارىندا ارەكەت ەتە وتىرىپ, ءبىز الەمدىك كۇن تارتىبىندەگى وزەكتى ماسەلەلەردىڭ شەشىمدەرىن بىرلەسىپ ىزدەۋگە, بۇۇ جانە باسقا دا حالىقارالىق فورماتتاردى قوسا تىعىز سىرتقى ساياسي ۇيلەستىرۋدى جۇزەگە اسىرۋعا ۇمتىلامىز", دەدى ۆ.پۋتين.
سونداي-اق, ۇيىم پايدا بولعان جاڭا, وزەكتى سىن-قاتەرلەرگە جەدەل دەن قويۋ قابىلەتىن ءىس جۇزىندە كورسەتىپ وتىرعانى اتاپ ءوتىلدى. شىۇ ەلدەرى كوروناۆيرۋستىڭ تارالۋىنىڭ ساياسي, ساۋدا-ەكونوميكالىق, الەۋمەتتىك سالدارىن ەڭسەرۋگە كۇش سالۋدا.
مەملەكەت باسشىسى الداعى وتىرىستا قاتىسۋشىلارعا جەمىستى جۇمىس تىلەپ, ماسكەۋ الاڭىندا قابىلدانعان شەشىمدەر شانحاي ىنتىماقتاستىق ۇيىمىنىڭ كەڭ كەڭىستىگىندە ارىپتەستىك پەن ىنتىماقتاستىقتى نىعايتۋعا ىقپال ەتەتىنىنە سەنىم ءبىلدىردى.
