قازاقستان • 10 قىركۇيەك، 2020

نەسيەگە ءوتىنىمدى ونلاين فورماتتا بەرۋگە بولادى

224 رەت كورسەتىلدى

جۋىردا "اۋىل شارۋاشىلىعىن قارجىلاي قولداۋ قورى" اق مىناداي ماتىندە حابارلاندىرۋ تاراتتى: "بۇگىنگى تاڭدا ءبىزدىڭ قور اۋىل تۇرعىندارىنا نەسيەگە ءوتىنىمدى ونلاين فورماتتا بەرۋ مۇمكىندىگىن ۇسىنىپ وتىر. سوعان سايكەس "ەڭبەك" باعدارلاماسى اياسىندا مال شارۋاشىلىعىن دامىتۋعا نەسيە الۋدى جوسپارلاپ وتىرعان شالعايداعى اۋىل تۇرعىندارى وزدەرىنىڭ جەكە كومپيۋتەرىنە ءوتىنىم جىبەرىپ، ەلەكتروندىق نەسيە كوميتەتىنىڭ ماقۇلداۋىن الا الادى. بۇل جۇيە ازىرگە اقمولا مەن الماتى وبلىسىنىڭ كاسىپكەرلەرى ءۇشىن تەستىك رەجيمدە ىسكە قوسىلدى. الداعى ۋاقىتتا وسى مەحانيزمدى باسقا وبلىستارعا دا ەڭگىزۋدى كوزدەپ وتىرمىز"، دەپ حابارلايدى Egemen.kz.   

كەشە اۋىل شارۋاشىلىعىن قارجىلاي قولداۋ قورى ارنايى پرەسس-تۋر ۇيىمداستىرىپ، ءبىر توپ ءجۋرناليستى الماتى وبلىسى جامبىل اۋدانىنا قاراستى قاينازار اۋىلىنا اپاردى. نەسيەگە ونلايىن ءوتىنىم بەرگەن العاشقى شارۋالاردىڭ ءبىرى ايمۇحان اناپيا ەسىمدى ازامات ءدال سول ەلدى مەكەندە تۇرادى. جاسى وتىزدىڭ بەل ورتاسىنان اسقان ايمۇحان وسىعان دەيىن بىرقاتار كاسىپتىڭ تۇتقاسىن ۇستاپ كورگەن ەكەن. سوڭعى ۋاقىتتا نۇر-سۇلتان قالاسىنداعى قۇرىلىس كومپانيالارىنىڭ بىرىندە قاتارداعى قاراپايىم جۇمىسكەر رەتىندە ءوز ناپاقاسىن تاۋىپ ءجۇردى. 2011 جىلى شاڭىراق كوتەرىپ، وتباسىلى بولدى. بۇگىندە جۇبايى گۇلجاز ەكەۋى ءۇش ۇل تاربيەلەپ وتىر. الدىڭعى ەكەۋى مەكتەپتە، كەنجەلەرى ەندى عانا جەتى ايعا تولدى.

"وسىنداي باعدارلامانىڭ بارىن بىلگەن بەتتە اۋىل شارۋاشىلىعىن قارجىلاي قولداۋ قورىنا ءوتىنىش جازدىم. ولار بارلىق قۇجاتتارىمدى تەكسەرىپ، ءىستىڭ ءمان-جايىنا تولىقتاي قانىققاننان كەيىن تومەنگى پايىزبەن 1،2 ميلليون تەڭگە مولشەرىندە نەسيە بەردى. وعان ءبىراز قوي ساتىپ الىپ، "تاۋەكەل!" دەدىم دە، ءوز "تىرلىگىمدى" باستاپ كەتتىم. ءبىر جارىم جىل كولەمىندە نەسيەنى تولىقتاي قايتارىپ، ەكىنشى قايتارا قارجى سۇرادىم. بۇل ءوتىنىشىم دە ماقۇلدانىپ، 2،3 ميلليون تەڭگەگە قولىم جەتتى. وعان دا مال الدىم. اللاعا شۇكىر، ادال ەڭبەگىم ەش كەتكەن جوق. سونىڭ ارقاسىندا مال باسى جىلدان جىلعا ارتىپ كەلەدى. باستاپقىدا 60 قويىم بولسا، اينالدىرعان 3،5 جىل ىشىندە مال باسى 200-گە جەتتى. قارىزىم دا، ەشكىمگە بەرەشەگىم دە جوق. قازىرگى كەزدە ايتۋلى قور تاعى ءبىر تىڭ باعدارلامانى قولعا الىپ، ءبىز سەكىلدى اۋىلدى جەرلەردە تۇراتىن شارۋالاردى ءبىر قۋانتىپ تاستادى. ماسەلەن، بۇعان دەيىن نەسيەنى راسىمدەۋ ءۇشىن 10-13 قۇجات جيىپ، ءبىراز مەكەمەلەردىڭ تابالدىرىعىن توزدىرعانىمىز راس. وعان ەكى اپتادان اسا ۋاقىت كەتەتىن. ال جاڭا باعدارلاما بويىنشا ەتسق كىلتى (ەلەكتروندى تسيفرلىق قولتاڭبا)، جەكە كۋالىك جانە كەپىلدىككە قوياتىن مۇلكىڭ بولسا جەتكىلىكتى. ەڭ باستىسى، بۇل ءىستى ەشقايدا شاپقىلاماي، ۇيدە وتىرىپ-اق تىندىرۋعا بولادى. جەكە ءوز باسىم، وسىدان بىرەر ساعات بۇرىن عانا 4 ميلليون تەڭگە نەسيە الۋ ءۇشىن ونلايىن ءوتىنىم بەرگەن ەدىم، باس-اياعى 15 مينۋت ىشىندە "ماقۇلداندى" دەگەن حابارلاما كەلدى. ەندى بەس كۇننىڭ ىشىندە قاجەتتى قاراجات قولىما تيەدى. ءوز ءىسىن ەندى باستاپ جاتقان ءبىز سەكىلدى شارۋالارعا وسىنداي قولداۋ مەن قامقورلىق كورسەتىپ وتىرعان ۇكىمەتكە جانە وسى سالا باسشىلارى مەن ماماندارىنا العىسىم شەكسىز"، دەيدى ايمۇحان اناپيا.  

راسىندا دا بۇل باستاما كوپشىلىكتىڭ كوڭىلىنەن شىقتى. اعىمداعى ايدىڭ باسىندا مەملەكەت باسشىسى قاسىم-جومارت توقاەۆ "سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى" اتتى حالىققا جولداۋىندا ء"تيىمدى شاعىن جانە ورتا بيزنەس – قالا مەن اۋىلدى دامىتۋدىڭ بەرىك نەگىزى. شاعىن، اسىرەسە، ميكروبيزنەس ەلىمىزدىڭ الەۋمەتتىك-ەكونوميكالىق جانە ساياسي ومىرىندە ماڭىزدى ءرول اتقارادى" دەپ اتاپ وتكەن بولاتىن. بۇل – اقيقات! شاعىن كاسىپكەرلىكپەن اينالىساتىن اۋىل تۇرعىندارىن بارىنشا قولداۋ قاجەت. اسىرەسە، "كاسىپ باستايمىن" دەپ قۇلشىنىپ تۇرعان ازاماتتاردىڭ شاعىن نەسيەگە جىلدام قول جەتكىزۋىن قامتىماسىز ەتۋ وتە ماڭىزدى. 

7

"وسى ورايدا "نەسيەنى الدىن-الا ونلايىن ماقۇلداۋعا ءوتىنىش بەرۋ ءۇشىن نە ىستەۋ كەرەك؟" دەگەن ساۋالدىڭ تۋىنداۋى زاڭدى. وعان ايتار جاۋابىمىز مىناداي: "ەگەر ءسىز اقمولا نەمەسە الماتى وبلىسىنىڭ تۇرعىنى بولساڭىز جانە مال شارۋاشىلىعىن دامىتۋعا قارجى العىڭىز كەلسە، www.online.fagri.kz پورتالىنا كىرىڭىز جانە كەلىسىمگە قول قويىڭىز. "جاڭا ءوتىنىم جاساۋ" باتىرماسىن باسىپ، ءوتىنىمدى جەكە كابينەت ارقىلى جىبەرىڭىز. جۇيە مەملەكەتتىك دەرەكقوردان اقپارات سۇراتۋ ارقىلى ازاماتتىڭ نەسيە الۋ مۇمكىندىگى مەن سەنىمدىلىگىن تەكسەرەدى. وڭ ناتيجە بولعان جاعدايدا "جالعاستىرۋ" باتىرماسى ىسكە قوسىلادى. "كەپىلدىكتى قامتاماسىز ەتۋ" بولىمىندە كەپىلگە قويۋدى جوسپارلاعان م ۇلىككە قاتىستى دەرەكتەردى ەنگىزىڭىز. جۇيە م ۇلىكتىڭ نارىقتىق قۇنىن ەسەپتەيدى. ۇسىنىلعان كەپىلدىك مۇلكى جەتكىلىكتى بولعان جاعدايدا جۇيە كەپىلدىكتى قامتاماسىز ەتۋ جونىندەگى قۇجاتتارمەن وبلىستىق فيليالعا جۇگىنۋ مۇمكىندىگى تۋرالى حابارلامانى كورسەتەدى"، دەيدى "اۋىل شارۋاشىلىعىن قارجىلاي قولداۋ قورى" اق نەسيەلەۋ دەپارتامەنتى ديرەكتورىنىڭ ورىنباسارى ارمات بايزاقوۆ.

سوڭعى جاڭالىقتار

ۇقساس جاڭالىقتار