ايماقتار • 10 قىركۇيەك، 2020

الماتىدا ەتنومادەني بىرلەستىكتەر پرەزيدەنت جولداۋىن تالقىلاۋدا

14 رەت كورسەتىلدى

قازاقستان حالقى اسسامبلەياسى الماتى قالاسىنداعى دوستىق ۇيىندە مەملەكەت باسشىسىنىڭ "جاڭا جاعدايداعى قازاقستان: ءىس-قيمىل كەزەڭى" اتتى قازاقستان حالقىنا جولداۋىن ىسكە اسىرۋ ماسەلەلەرى بويىنشا رەسپۋبليكالىق ەتنومادەني بىرلەستىكتەرمەن جينالىس وتكىزۋدە، دەپ حابارلايدى Egemen.kz.

ءىس-شاراعا قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ج.ق.تۇيمەباەۆ، قر پارلامەنتى ءماجىلىسىنىڭ دەپۋتاتى ۆ.بوجكو، قر اقپارات جانە قوعامدىق دامۋ ۆيتسە-ءمينيسترى م.ءازىلحانوۆ، سونداي-اق الماتى قالالىق ءماسليحاتىنىڭ دەپۋتاتتارى، رەسپۋبليكالىق ەتنومادەني بىرلەستىكتەردىڭ باسشىلارى مەن اسسامبلەيا جانە قحا عىلىمي-ساراپشىلىق كەڭەسىنىڭ مۇشەلەرى قاتىسۋدا.

وسى جيىندا ءسوز سويلەگەن قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ج.ق.تۇيمەباەۆ "مەملەكەت باسشىسى قاسىم-جومارت كەمەل ۇلى توقاەۆ ءوز جولداۋىندا قازىرگى كەزدە ەلىمىزدىڭ الدىندا تۇرعان اسا وزەكتى ماسەلەلەرگە توقتالىپ، ناقتى باسىمدىقتاردى ۇسىندى. ەندىگى ماقسات – جولداۋدى بىرلەسىپ ورىنداۋ. قازاقستان حالقى اسسامبلەياسى ءوز قۇزىرەتى شەڭبەرىندە جولداۋدى ىسكە اسىرۋ جۇمىسىنا بەلسەندى قاتىساتىن بولادى" دەپ اتاپ ءوتتى.

1

سونىمەن قاتار ەلباسى ن.نازارباەۆتىڭ الەمدىك ەكونوميكالىق جانە گەوساياسي جاعدايلارمەن بايلانىستى ەلىمىزدىڭ سىن تەزىندە تۇرعانىن ەسكە سالىپ،  بۇگىندە داعدارىستىق احۋالدى عالامدىق رەتسەسسيا جانە پاندەميامەن بايلانىستى بولىپ وتىرعانىنا توقتالىپ ءوتتى. سوندىقتان دا قابىلدانعان شارالار داعدارىستىڭ ءبىرىنشى كەزەڭىن جەڭىلدەتۋگە مۇمكىندىك بەردى. ال بۇگىندە باسقا شارالاردى قولعا الۋىمىز قاجەت. وسىنداي كەزەڭدە قوعام پرەزيدەنت جولداۋىنان كوپ ماسەلەنى كۇتتى. ەڭ باستىسى الەمدىك نارىقتاعى احۋال كەزەڭىندە پاندەميا مەن الەۋمەتتىك-ەكونوميكالىق جاعدايلار نازار اۋدارادى، دەپ اتاپ ءوتتى ج.تۇيمەباەۆ.

جينالىس بارىسىندا مەملەكەت باسشىسىنىڭ قازاقستان حالقىنا جولداۋىنداعى نەگىزگى باسىمدىقتاردى، جولداۋدى ىسكە اسىرۋداعى اسسامبلەيا مەن ەتنومادەني بىرلەستىكتەردىڭ مىندەتتەرىن، ت.ب. ماسەلەلەر تالقىلانۋدا.

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار