الەم • 10 قىركۇيەك، 2020

گرەكياداعى ەڭ ءىرى بوسقىندار لاگەرى جانىپ كەتتى

23 رەت كورسەتىلدى

گرەكياداعى ەڭ ءىرى بوسقىندار لاگەرى تۇگى قالماي جانىپ كەتتى. بۇل لەسبوس ارالىنداعى موريا بوسقىندار لاگەرىندە وسى اپتادا ورىن العان ەكىنشى ءورت. سەيسەنبىدەن سارسەنبىگە قاراعان ءتۇنى بولعان العاشقى وقيعا سالدارىنان لاگەر قاتتى زارداپ شەككەن ەدى، دەپ حابارلايدى Egemen.kz

قازىر قىزىل جالىن تولىعىمەن اۋىزدىقتالدى. ابىروي بولعاندا، بوسقىندار اراسىندا زارداپ شەككەندەر جوق.  بىراق كەيبىر ميگرانتتار تۇتىننەن ۋلانعان. باستاپقىدا 3 مىڭ ادامعا شاقتالعان لاگەردە قازىر شامامەن 13 مىڭ ادام ءومىر سۇرەدى. الەمنىڭ  70 ەلىنەن كەلگەن بوسقىندار  اراسىندا اۋعاندىقتار كوپ ەكەن.

بۇعان دەيىن العاشقى ءورت تىركەلگەندە گرەكيا پرەمەر-ءمينيسترى كيرياكوس ميتسوتاكيس  بولعان وقيعا ءۇشىن بوسقىنداردىڭ وزدەرىن ايىپتاعان ەدى. ونىڭ ايتۋىنشا، ولار 35 ميگرانتتا كوروناۆيرۋس انىقتالعاننان كەيىن اكىمشىلىك تاراپىنا اگرەسسيا كورسەتىپ، كارانتيننەن قاشپاق بولعان. دەسە دە بۇل ارەكەتتەرى ءساتسىز اياقتالىپتى. 

ورتتەن كەيىن بوسقىندارعا لاگەردەن كەتۋگە رۇقسات ەتىلدى، بىراق پوليتسيا كورشى ەلدىمەكەندەرگە كىرۋىنە جول بەرمەي، اۋىلدارعا اپاراتىن جولداردى جاۋىپ تاستاعان. الاپات اپاتتان مىڭداعان ادام باسپاناسىز قالدى. بيلىك ولار ءۇشىن ۋاقىتشا تۇراق ىزدەپ جاتىر.

ال وزگە ەلدەر بۇل جاعدايعا بەي-جاي قاراپ وتىرعان جوق. ماسەلەن، گەرمانيانىڭ سىرتقى ىستەر ءمينيسترى حايكو مااس بۇل وقيعانى گۋمانيتارلىق اپات دەپ اتادى جانە بوسقىنداردى ەو ەلدەرىنە تاراتۋعا دايىن ەكەندىگى تۋرالى دا جازدى. 

ايتا كەتەيىك، بۇعان دەيىن دە الەۋمەتتىك جەلىلەردە بوسقىندار مەن جەرگىلىكتى تۇرعىندار اراسىنداعى جاعداي شيەلەنىسىپ تۇرعاندىعى جونىندە حابار تاراعان. وسى جولى دا دا ارال تۇرعىندارى تاراپىنان بوسقىندارعا نارازىلىق بايقالىپتى. ولار ءورت سوندىرۋشىلەر جەتكەندە ءوز ەلدىمەكەندەرىنەن ءارى قاراي جۇرەتىن جولدى جاۋىپ تاستاپ، بوسقىندارعا جەتۋگە مۇمكىندىك بەرمەگەن.

بۇۇ بوسقىندار ىستەرى جونىندەگى جوعارعى كوميسسارىنىڭ باسقارماسى ميگرانتتار مەن جەرگىلىكتى تۇرعىندار اراسىنداعى شيەلەنىس تۋرالى بىلەتىنىن حابارلادى. ء"بىز بارلىعىن ۇستامدىلىق تانىتۋعا شاقىرامىز جانە لاگەردەگى ادامداردان ارتىق قوزعالىستاردان اۋلاق بولۋدى جانە ۋاقىتشا شەشىم تابىلعانشا سابىر ساقتاۋدى سۇرايمىز"، دەلىنگەن حابارلامادا. 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار