وقيعا • 10 قىركۇيەك، 2020

اقجايىقتىڭ تۇركىستانعا تارتۋى

609 رەت كورسەتىلدى

تورتكۇل دۇنيەنى كوگىلدىر كۇمبەزىمەن وزىنە تارتاتىن كيەلى شاھار تۇركىستاندا «اقجايىق» مۋزىكالىق مەكتەبى پايدالانۋعا بەرىلدى.

باتىس قازاقستان وبلىسى­نىڭ تارتۋى بولعان مۋزىكا مەكتەبىندە 550 ورىنعا ارنالعان ۇلكەن كونتسەرت زالى، كونفەرەنتسيا زالى، وركەستر، حور سىنىبىنىڭ بولمەلەرى بار. زاماناۋي ۇلگىدە سالىنعان نى­ساندا 120 بالا ونەردىڭ 18 تۇرى­نەن ءدارىس الا الادى. اتاپ ايت­قاندا، مۇندا وقۋشىلاردى دوم­بىرا، فورتەپيانو، سكريپكا، بايان، ساكسافون، قوبىز، گيتا­را، ۇرمالى اسپاپتار، ۆوكال، جەتى­گەن، كسيلوفون، ليتاۆرا سياقتى مۋزىكالىق اسپاپتاردا ويناۋعا باۋليدى. قازىرگى تاڭدا، اتالعان سىنىپتارعا دارىندى بالالاردى ىرىكتەۋ ارقىلى قابىلداۋ جۇمىستارى باستالعان. مەكتەپتە جاس ونەرپازدارعا كونسەرۆاتوريا تۇلەكتەرى ۇستازدىق ەتەدى. ياعني، كاسىبي مۋزىكالىق ءبىلىمى مەن شەبەرلىگى جوعارى ماماندار مۇعالىم رەتىندە قابىلدانۋدا. كەلەشەكتە ۇلگەرىمى جاقسى شاكىرتتەردەن جوعارى دەڭگەيلى وركەستر قۇرىلاتىن بولادى.

قوس قاباتتان تۇراتىن ساۋ­لەت­­تى عيمارات مۋزىكالىق اس­پاپ­تا ساباقتار وتۋگە بارىن­شا لا­­يىق­تالعان. ماسەلەن، مەك­تەپ­ت­ەگى بارلىق وقۋ سىنىپتارى اكۋس­­تيكا­لىق زاڭدىلىق­تار­عا ساي جابدىق­تالىپ، ءاربىر سى­نىپ­­قا دەربەس كومپيۋتەر­لەر مەن ين­­تە­ر­­اكتيۆتى تاق­تا­لار ورناتىلعان.

الداعى ۋاقىتتا مۋزىكا مەك­تەبىنىڭ الدىنا ۆالس كورو­لى ءشامشى قالداياقوۆتىڭ ەسكەرت­كىشى قويىلادى. سون­داي-اق «اقجايىق» مۋزىكا مەكتەبى كومپوزيتور ءشامشى قال­دايا­قوۆ­تىڭ اتىمەن اتالماق. بۇل جو­نىن­دە وبلىس اكىمى ءو.شو­كەەۆ مادەنيەت جانە سپورت ءمي­نيسترى ا.رايىمقۇلوۆانىڭ تۇركى­ستان وبلىسىنا ساپارى ايا­سىندا ءمالىم ەتكەن بولاتىن. وبلىس اكىمى ومىرزاق شو­كەەۆ مۋ­زى­كالىق مەكتەپكە بار­عان سا­پا­رىندا، سونداي-اق ونەر وردا­­سى­نىڭ ماتەريالدىق-تەح­ني­كا­لىق بازاسىن كۇشەيتۋدى تاپسىردى.

 

تۇركىستان وبلىسى

 

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار