«توتەنشە جاعداي كەزىندە دە ەلباسى كىتاپحاناسى ءوز جۇمىسىن توقتاتقان جوق. بارلىق ءىس-شارالار ۆيرتۋالدى تۇردە اتقارىلدى. اتاپ ايتقاندا, قازاقستان رەسپۋبليكاسىنىڭ مەملەكەتتىك رامىزدەر جانە حالىقارالىق مۇراجايلار كۇنىن, سونداي-اق حالىقارالىق يادرولىق سىناقتارعا قارسىلىق شاراسى, قازاقستانداعى پرەزيدەنتتىك ينستيتۋتتىڭ 30 جىلدىعى, ت.ب. قاتارلى ايتۋلى وقيعالاردى اتاپ وتتىك. بۇنىڭ بارلىعى كىتاپحانانىڭ رەسمي سايتىنداعى «بەينە گالەرەيا» ارقىلى كوپشىلىككە تانىستىرىلدى. بەينەكورمەلەر ءارتۇرلى فورماتتا وتكىزىلەدى: تاقىرىپتىق ەكسپوزيتسيالاردىڭ بەينەتۋرلار; بەينەروليكتەر; پرەزەنتاتسيا تۇرىندە ءداستۇرلى ەلەكتروندى فورمات جانە العاش رەت ء«بىر جادىگەر» يدەياسى ىسكە استى», دەيدى ەلباسى كىتاپحاناسىنىڭ ديرەكتورى, ساياسي عىلىمدارىنىڭ دوكتورى, پروفەسسور ءامىرحان راحىمجانوۆ مىرزا.
سونىمەن قاتار قازاقستان حالقى اسسامبلەياسىنىڭ 25 جىلدىعىنا ارنالعان «ۇلتتار مادەنيەتىن ۇلىقتاعان مەكەن», ۇلى جەڭىستىڭ 75 جىلدىعىنا ارنالعان «قازاقستان جاۋىنگەرلەرى ستالينگراد تۇبىندەگى شايقاستا» اتتى كورمەلەر كوپشىلىككە ۇسىنىلىپ, كۇمىس بۇيىمدار توپتاستىرىلعان «كۇمىستىڭ ماڭگىلىك ساۋلەسى» جانە ء«پىشىن مەن سۋرەتتىڭ ۇندەستىگى» اتتى تاباقتار توپتاماسىنىڭ كورمەسى دە ءساتتى كورسەتىلىپ, «بولاشاق ساناسى», «قازاقستانداعى وليمپيادا قوزعالىسى» ت.ب. بەينەكورمەلەر دە كوپتىڭ كوڭىلىنەن شىعىپتى.
بۇلاردان باسقا ەلباسى ن.نازارباەۆتىڭ يدەيالارى مەن باستامالارىنا نەگىزدەلگەن «ن.نازارباەۆ – ەۋرازيالىق ينتەگراتسيانىڭ ساۋلەتشىcى», «ەلباسىنىڭ اسقاق ارمانى», سونداي-اق تۇڭعىش پرەزيدەنتتىڭ قوعامدىق ناگرادالار جيناعىنىڭ كورمەسى, كىتاپحاناسىنىڭ كوشپەلى كەشەن كورمە جوباسىنىڭ ماتەريالدارى بويىنشا «ن.نازارباەۆ: ءداۋىر, تۇلعا, قوعام» اتتى كورمە ۇيىمداستىرىلىپتى.
بيىل ەل كولەمىندە اتاپ وتكەن اباي قۇنانباي ۇلىنىڭ 175 جىلدىعىنا وراي كىتاپحانادا «اباي مۇراسى – تاربيەنىڭ قاينار كوزى» بەينەكورمەسى دايىندالىپ, يادرولىق سىناقتارعا قارسى كۇرەستىڭ حالىقارالىق كۇنىنە وراي «ن.نازارباەۆ – جاھاندىق انتيادرولىق قوزعالىستىڭ كوشباسشىسى» ەكسپوزيتسياسى اتتى بەينەتۋر ۇيىمداستىرىلعان ەكەن.
زامان تالابىنا ساي ەلباسى كىتاپحاناسىنىڭ عىلىمي جانە ءبىلىم بەرۋ قىزمەتى دە ۆيرتۋالدى كەڭىستىككە كوشىپ, ۆەبينارلار, مارافون ساباقتارى, بەينەدارىستەر, دوڭگەلەك ۇستەلدەر, ونلاين-كونفەرەنتسيالار وتكىزۋمەن قاتار, «اباي وقۋلارى» ەستافەتاسى, «ەلىن سۇيگەن ەلباسى» مۇراجاي ساباعى, مۇعالىمدەردىڭ رەسپۋبليكالىق شىعارماشىلىق بايقاۋى, بالاباقشا تاربيەلەنۋشىلەرى سۋرەتتەرىنىڭ «اتامەكەن» ونلاين بايقاۋى, سونىمەن قاتار ءال-ءفارابيدىڭ 1150 جىلدىعىنا ارنالعان ەلوردا مەكتەپتەرى اراسىندا « ۇلى دالانىڭ ۇلى تۇلعاسى» ونلاين بايقاۋى جوعارى دەڭگەيدە اتقارىلعان ەكەن.
سونىمەن بىرگە ەلباسى كىتاپحاناسى ءوزىنىڭ سايتى ارقىلى وقىرماندارعا ونلاين-كىتاپحانا قىزمەتىن تەگىن پايدالانۋعا مۇمكىندىك بەرىپ وتىرعانى قۋانتارلىق. بۇنداعى كىتاپ قورىندا ەلەكتروندى فورماتتا ءۇش مىڭنان استام باسىلىم بار ەكەن. بۇنىڭ سىرتىندا, كىتاپحانا سايتىندا قازاق حالقىنىڭ كورنەكتى تاريحي تۇلعالارىنا, سونداي-اق مەملەكەتتىڭ دامۋىنا ۇلەس قوسىپ جۇرگەن قايراتكەرلەرگە ارنالعان «ماڭگىلىك ەل الىپتارى», « ۇلى دالا تارلاندارى», «ۇلتتىق كود» ت.ب. رۋبريكالار اشىلىپتى. جالپى العاندا, ەلباسى كىتاپحاناسىنا ونلاين-قاتىناسۋشىلار سانى 10 مىڭنىڭ ۇستىنە شىعىپتى.
