سونداي-اق ورىن بولماعان جاعدايدا جولاۋشىعا ءوتىنىم جاساۋعا مۇمكىندىك بەرەتىن "كۇتۋ پاراعى" سياقتى جاڭا فۋنكتسيالار پايدا بولدى. سول بويىنشا بوس ورىن پايدا بولعاندا (بيلەتتەر قايتارىلعان جاعدايدا) جولاۋشىنىڭ ەلەكتروندى پوشتاسىنا حابارلاما جىبەرىلەدى. بۇل رەتتە جولاۋشىنىڭ دەرەكتەرىن اۋىستىرۋ مۇمكىن ەمەس. وسىلايشا جولاۋشىلاردى اۋىستىرۋ مۇمكىندىگى الىنىپ تاستالدى.
سونىمەن قاتار 2019 جىلدىڭ تامىز ايىندا جولاۋشىلاردى تاسىمالداۋ ەرەجەلەرىنە وزگەرىستەر ەنگىزىلدى. سوعان سايكەس بارلىق توپتاعى مۇمكىندىگى شەكتەۋلى جاندارعا, سونداي-اق مۇگەدەك بالالارعا الەۋمەتتىك ماڭىزى بار باعىتتارعا بيلەت 50% جەڭىلدىكپەن ساتىلادى.
"تۇلپار-تالگو" كوممەرتسيالىق پويىزدارىندا (سۋبسيديالانبايتىن) تاسىمالداۋشىنىڭ قالاۋى بويىنشا مۇمكىندىگى شەكتەۋلى ادامدار ءۇشىن مامانداندىرىلعان ورىندارعا 70% جەڭىلدىك بەلگىلەنگەن.
سونىمەن قاتار, 2020 جىلعى 26 ماۋسىمىنان باستاپ bilet.railways.kz سايتىندا مۇمكىندىگى شەكتەۋلى جاندار ءۇشىن جەڭىلدىكتى بيلەتتەردى ونلاين رەسىمدەيتىن جاڭا قىزمەت پايدا بولدى ونداي بيلەتتەردى ونلاين رەسىمدەۋ ءۇشىن جولاۋشى "جولاۋشىلار تاسىمالى" اق بيلەت كاسساسىندا ء(بىر رەت) تىركەۋدەن وتكىزىپ, بىرەگەي سيمۆولدار جيىنتىعى بار "مەيىرىم" ەلەكتروندى ديسكونتتىق كارتاسىن الۋى قاجەت. تىركەلگەننەن كەيىن جولاۋشى بيلەتتەردى ۇيدەن شىقپاي-اق جەڭىلدەتىلگەن باعامەن ونلاين ساتىپ الا الادى. ەلەكتروندى كارتا بەلسەندىرىلگەن ساتتەن باستاپ ءبىر جىل بويى جارامدى بولادى. ونىڭ مەرزىمىن ۇزارتۋ جولاۋشىدان ءوتىنىمدى قايتا الماي-اق جۇرگىزىلەدى.
