21 ماۋسىم كۇنى اتىراۋ وبلىسى يساتاي اپب-نا جەرگىلىكتى تۇرعىن ارىزدانادى. جابىرلەنۋشىنىڭ ايتۋىنشا, بەلگىسىز بىرەۋ ونى ينستاگرام جەلىسىندەگى "ايبەك كومەك" پاراقشاسى ارقىلى Kiwi ءاميانىنا 40 مىڭ تەڭگە اۋدارتىپ العان.
ونىمەن قويماي, جابىرلەنۋشىنىڭ HalykBank كارتاسى مەن سايكەستەندipۋ ءنومىرىن فوتومەن الدىرتىپ ەسەپشوتىنان 385 مىڭ تەڭگە اقشاسىن يەمدەنىپ العان.
پوليتسيا قىزمەتكەرلەرى جان-جاقتى ىزدەستىرۋ جۇمىستارى بارىسىندا قىلمىسقا كۇدىكتىنى انىقتادى. جاقىندا اتىراۋ پوليتسەيلەرى تۇركىستان وبلىسىنىڭ 2003 جىلى تۋعان تۇرعىنىن ۇستادى.
كامەلەت جاسىنا تولماعان ءجاسوسپىرىمنىڭ وسىعان ۇقساس باسقا دا الاياقتىق قىلمىستارىنا قاتىستىلىعى تەكسەرىلۋدە. تەرگەۋ قىلمىستىق كودەكستىڭ 190-بابى بويىنشا جۇرگىزىلۋدە.
