"الماتى ق. مۋزەيلەر بىرلەستىگى" كمقك (الماتى مۇراجايى, ىقىلاس اتىنداعى ۇلتتىق اسپاپتار مۇراجايى, د. ا. قوناەۆ مۇراجايى, ن. تىلەنديەۆ اتىنداعى مەموريالدىق مۇراجايى, س. مۇقانوۆ جانە ع. مۇسىرەپوۆ اتىنداعى ادەبي-مەموريالدىق مۇراجاي كەشەنى, رايىمبەك باتىر ءداستۇرلى مۋزىكا مۋلتيمەديالىق مۇراجاي كەشەنى) كۇندەلىكتى 10.00–دەن 19.00–گە دەيىن جۇمىس ىستەيدى.
سونداي-اق, ىقىلاس اتىنداعى حالىق مۋزىكالىق اسپاپتار مۇراجايىندا ازيا جانە ەۋروپا مۋزىكالىق اسپاپتارىنىڭ جاڭا زالدارى اشىلعان.
كارانتين كەزىندە الماتى حايۋاناتتار باعىندا كەرىك, زەبرا, پرجەۆالسكي جىلقىسىنىڭ ق ۇلىنى, بۇعى, اقبوكەن, تۇيە, جاپون تىرناسى, ەمۋ تۇيەقۇسى جانە تاعى باسقالار دۇنيەگە كەلدى. ءار ءتۇرلى قۇستار مەن جانۋارلاردىڭ جۇزدەن استام بالاسى بار. ەكسپوزيتسيادا بارلىق جانۋارلار تولدەرىمەن بىرگە كورسەتىلگەن.
حايۋاناتتار باعى كۇندەلىكتى ساعات 9.00-دەن 19.00-گە دەيىن جۇمىسىن قايتا باستادى. كاسسالار بۇرىنعى جۇمىس كەستەسىنەن ءبىر ساعات بۇرىن جابىلادى.
قالالىق كىتاپحانالار دا ادەتتەگىدەي 9.00-دەن 20.00-گە دەيىن جۇمىس ىستەيدى. كىتاپتاردى ۇيگە 15 كۇنگە الۋعا بولادى. ورتالىقتاندىرىلعان كىتاپحانا جۇيەسى ونلاين رەجىمىندە كوپتەگەن باسقا ءىس-شارالاردى وتكىزەدى. اتاپ ايتقاندا, قازان ايىندا بالالار جازۋشىسى س. بەگاليننىڭ 125 جىلدىعىنا ارنالعان ونلاين رەجىمدە حالىقارالىق كونفەرەنتسيا وتكىزۋ جوسپارلانۋدا.
مادەني نىساندارعا كىرەتىن كەزدە قاتاڭ تۇردە الەۋمەتتىك قاشىقتىقتى ساقتاپ, قورعانىس ماسكالارىن تاعۋ قاجەت.
