قوعام • 08 قىركۇيەك، 2020

"Nur Otan"-نىڭ سايلاۋالدى باعدارلامالارى پرەزيدەنت جولداۋىن ەسكەرە وتىرىپ پىسىقتالادى - ب.بايبەك

786 رەت كورسەتىلدى

ەلباسىنىڭ تاپسىرماسى بويىنشا "Nur Otan" پارتياسى الداعى 5 جىلعا ءاربىر ءوڭىر، قالا جانە اۋدان بويىنشا ءوزىنىڭ 216 سايلاۋالدى باعدارلاماسىنىڭ جوبالارىن جاريالاۋدى باستادى. وسى باعدارلامالارعا ارنايى primaries.kz سايتى ارقىلى قازاقستاندىقتاردى وزدەرىنىڭ سىندارلى ۇسىنىستارىن ەنگىزۋگە جانە تالقىلاۋعا شاقىرادى، دەپ حابارلايدى Egemen.kz.

پارتيانىڭ ءباسپاسوز قىزمەتىنىڭ مالىمەتىنشە، سايلاۋالدى باعدارلامالاردىڭ جوبالارى ەلىمىزدىڭ وڭىرلەرىنىڭ، ونىڭ ىشىندە ەڭ شالعاي ەلدى مەكەندەرىندىڭ تۇرعىندارىمەن كەزدەسۋ قورىتىندىسى بويىنشا قالىپتاسقان ناقتى پروبلەمالاردىڭ كارتاسى نەگىزىندە ازىرلەنگەن.

سونىمەن، شىعىس قازاقستان وبلىسىنىڭ سايلاۋالدى باعدارلاماسىنىڭ جوباسىندا وقۋشى ورىندارىنىڭ تاپشىلىعىن ازايتۋ ماقساتىندا جاڭا بالاباقشالار مەن مەكتەپتەر سالۋ مىندەتى قويىلىپ وتىر. جەزقازعان قالاسىندا جۇمىسقا ورنالاسۋ پروبلەمالارى جەكە باعىتپەن كورسەتىلگەن. مۇندا تۇراقتى جۇمىس ورىندارىن اشۋ ءۇشىن وڭدەۋشى ونەركاسىپ سالاسىندا بىردەن بىرنەشە جاڭا كاسىپورىن سالۋ ۇسىنىلادى.

شىمكەنت قالاسى بويىنشا سايلاۋالدى باعدارلاما جوباسىندا دەنساۋلىق ساقتاۋ سالاسىنا ەرەكشە كوڭىل بولىنگەن. پارتيا قالالىق ماسليحاتقا سايلاۋدا جەڭىسكە جەتكەن جاعدايدا، مەگاپوليستە بىردەن 10 جاڭا مەديتسينالىق ورتالىق سالۋ، سونداي-اق 36 مەديتسينالىق مەكەمەدە ماتەريالدىق-تەحنيكالىق بازانى جاڭارتۋ جوسپارلانۋدا.

سولتۇستىك قازاقستان وبلىسىندا پارتيانىڭ ايماقتىق سايلاۋالدى باعدارلاماسى جوباسىنىڭ ءبىر بولىمىندە جول ينفراقۇرىلىمىن جاقسارتۋ كوزدەلگەن. 2021 جىلى وبلىستىق جانە اۋداندىق اۆتوجولداردىڭ كەمىندە بەس ءجۇز شاقىرىمىن جوندەۋ ۇسىنىلادى.

7

سونداي-اق وسى اپتادا بۇكىل ەل بويىنشا پارتياىشىلىك پرايمەريزدىڭ ەكىنشى كەزەڭى – ۇگىت-ناسيحات جۇمىستارى باستالدى. ۇگىت-ناسيحات ناۋقانى بارىسىندا ءاربىر كانديدات ناقتى ەلدى مەكەندەردىڭ پروبلەمالارىن شەشۋ جولدارىنا قاتىستى ءوز كوزقاراسىن ۇسىنۋى ءتيىس.14-30 قىركۇيەك ارالىعىندا جاريا پىكىرسايىستار ونلاين رەجيمىندە وتەدى.

وسىعان بايلانىستى "Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك وڭىرلىك فيليالدارمەن كەڭەيتىلگەن كەڭەس وتكىزىپ، ونىڭ بارىسىندا پرەزيدەنتتىڭ قازاقستان حالقىنا جولداۋى اياسىنداعى پارتيا جۇمىسىنىڭ نەگىزگى باعىتتارى تالقىلاندى.

"مەملەكەت باسشىسى قاسىم-جومارت كەمەل ۇلى توقاەۆ ءوز جولداۋىندا ازاماتتارىمىزدىڭ كوپشىلىگىن تولعاندىراتىن الەۋمەتتىك ماسەلەلەردى شەشۋدىڭ ناقتى باعىتتارى مەن تەتىكتەرىن اتاپ ءوتتى. پرەزيدەنت 140-قا جۋىق ناقتى تاپسىرما بەردى. "Nur Otan" پارتياسى مەملەكەت باسشىسى جاريالاعان باستامالاردىڭ ىسكە اسىرىلۋىنا جەرگىلىكتى جەرلەردە قاتاڭ مونيتورينگ جۇرگىزەدى. ەلباسى، پارتيا ليدەرى نۇرسۇلتان ءابىش ۇلى نازارباەۆتىڭ تاپسىرماسى بويىنشا، پرايمەريز بارىسىندا جينالعان حالىقتىڭ ۇسىنىستارى مەن پرەزيدەنت جولداۋىندا قويىلعان مىندەتتەردى ەسكەرە وتىرىپ، ءبىزدىڭ بارلىق سايلاۋالدى باعدارلامالارىمىزدىڭ جوبالارى پىسىقتالادى"، - دەدى باۋىرجان بايبەك.

ەسكە سالا كەتەيىك، جالپى رەسپۋبليكالىق پارتياىشىلىك پرايمەريزگە قاتىسۋعا 11 مىڭعا جۋىق كانديدات تىركەلگەن، ولاردىڭ ورتاشا جاسى 43 جاستى قۇرايدى. ونىڭ ىشىندە 37%-ى – ايەلدەر، 29،6%-ى – 35 جاسقا دەيىنگى جاستار.

پرايمەريزدىڭ باستى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن انىقتاۋ.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار