– سانتيتارلىق نورمالارعا سايكەس ۇلتتىق كوماندامىزدىڭ بارلىق مۇشەلەرى جيىنعا كەلەر الدىندا جانە وسى جەردە كوروناۆيرۋسكە تەست تاپسىردى. العاشقى اپتادا تالعاردا اشىق اسپان استىندا جاتتىعامىز. ودان كەيىن جيىنىمىزدى ايتۋلى اۋدان اۋماعىندا قونىس تەپكەن وليمپيادالىق دايارلاۋ ورتالىعىندا جالعاستىرماق نيەتتەمىز. وسى جەردە اۋىرتپالىق ارتادى. اتاپ ايتساق, بوكسشىلار كروسس جۇگىرەدى, ترەناجەر زالىندا شىنىعادى, باسسەيندە جۇزەدى, تاۋ-تاسقا شىعادى. بۇل فۋنكتسيونالدىق دايارلىقتى جەتىلدىرۋ ءۇشىن وتە قاجەت. ال سوڭعى اپتادا رينگتە جاتتىعىپ, سپاررينگتەر وتكىزەمىز. الاتاۋ بوكتەرىندە ءوتىپ جاتقان وقۋ-جاتتىعۋ جيىنى 5 قازانعا دەيىن سوزىلادى, دەيدى قازاقستان قۇراماسىنىڭ باس باپكەرى عالىمبەك كەنجەباەۆ.
ع. كەنجەباەۆتىڭ ايتۋىنشا, بۇعان دەيىن ۇلتتىق قۇراما ساپىنداعى بوكسشىلار ءوز وڭىرلەرىندە دايارلانىپ, الماتىداعى جيىنعا جاقسى بابىندا كەلگەن ەكەن.
