جۇلدە قورى 53 400 000 دوللاردى قۇرايتىن جارىستىڭ العاشقى اينالىمدارىندا امەريكالىق روبين مونتگومەري, بەلارۋسسيالىق ۆەرا لاپكو مەن الەكساندرا سوسنوۆيچكە سان سوقتىرعان جەرلەسىمىز ءتورتىنشى كەزەڭدە پەترا مارتيچپەن كەزدەستى.
الەمدىك رەيتينگتە 15 ساتىعا جايعاسقان 29 جاستاعى حورۆاتيانىڭ وكىلى بىلتىر US Open ءتۋرنيردىڭ ءدال وسى مەجەسىندە سۇرىنگەن بولاتىن. بيىل دا سول جاعداي اينا-قاتەسىز قايتالادى. قوس ويىنشى اراسىنداعى كەزدەسۋ 2 ساعات 30 مينۋتكە سوزىلىپ, جەرلەسىمىزدىڭ پايداسىنا شەشىلدى. ەسەپ – 6:3, 2:6, 6:4. وسىلايشا, پۋتينتسەۆا ءوزىنىڭ سپورتتىق كارەراسىندا العاش رەت ايتۋلى جارىستىڭ شيرەك فينالىندا باق سىناۋ قۇرمەتىنە يە بولدى.
يۋليا پۋتينتسەۆانىڭ كەلەسى قارسىلاسى – دجەننيفەر برەيدي. 25 جاستاعى اقش تەننيسشىسى قازىرگى كەزدە WTA رەيتينگىندە 41 ورىندى يەلەنۋدە.
