تۋريزم • 08 قىركۇيەك، 2020

ەكوتۋريزمدى دامىتۋ تۇجىرىمداماسى تانىستىرىلدى

29 رەت كورسەتىلدى

جۋىردا ەكولوگيا، گەولوگيا جانە تابيعي رەسۋرس­تار ۆيتسە-ءمينيسترى ەرلان نى­سان­باەۆ، مادەنيەت جا­نە سپورت ۆيتسە-ءمينيسترى ور­كەن بي­ساقاەۆ، «Kazakh Tourism» ۇك» اق باسقارما توراعا­سى ەرجان ەركىنباەۆ جانە باسقا دا ساراپشىلاردىڭ قا­تىسۋىمەن وتكەن اشىق zoom-كونفەرەنتسياسىندا كوپ­شى­لىك نازارىنا «شارىن» مەم­لەكەتتىك ۇلتتىق تا­بي­عي پاركىن دامىتۋ تۇجىرىم­دا­ماسى ۇسىنىلدى.

جاڭا جوبانى تانىستىرۋ بارىسىندا ەكولوگيا، گەولوگيا جانە تابيعي رەسۋرستار ۆيتسە-ءمينيسترى ە.نىسانباەۆ قازىرگى كەزدە بۇكىل الەمدە ەكوتۋريزم وتە تانىمال بولىپ كەلە جاتقانىن اتاپ ءوتتى. وتكەن جىلى ەل ۇكىمەتىنىڭ قاۋلىسىمەن قازاقستاننىڭ تۋريستىك سالاسىن دا­مىتۋدىڭ 2019-2025 جىلدارعا ار­نالعان مەملەكەتتىك باعدارلاماسى قابىلداندى. باعدارلامانىڭ 10 باسىم باعىتىنىڭ ءبىرى – قۇرامىندا 4 ۇلتتىق پارك (التىن-ەمەل، شارىن، كولساي كولدەرى جانە ىلە – الاتاۋى) بار الماتى وبلىسىنىڭ تاۋ (شاڭعى) كلاستەرى.

سونىمەن قاتار ۆيتسە-مينيستر وتكەن جىلى 20 مىڭنان استام ادام كەلگەن شارىن ۇلتتىق پاركىندەگى تۋريستىك ينفراقۇرىلىم زاماناۋي تالاپتارعا ساي كەلمەيتىنىن جانە قوناقتارعا تولىققاندى ءارى جايلى تۇرۋى ءۇشىن جاعداي جاسالعانىن اتاپ ءوتتى. وسىعان وراي، ەكو­لو­گيا، گەولوگيا جانە تابيعي رە­سۋرس­­تار مينيسترلىگى مادەنيەت جانە سپورت مينيسترلىگىمەن جانە «قا­­زاق ءتۋريزمى» ۇك» اق-پەن بىر­لەسە وتىرىپ، اقش-تىڭ حالىق­ار­ا­لىق تاجىريبەسىن زەردەلەدى، قۇ­قىق­تىق بازانى، تاسىلدەر مەن تەتىك­تەردى زەرتتەدى، سونىمەن قاتار ەكولوگيالىق ءتۋريزمدى دامىتۋدىڭ نەگىزگى پرينتسيپتەرىن انىقتادى. حالىقارالىق تاجىريبەنى ەسكەرە وتىرىپ، ۇلتتىق پاركتەردە ەكو­لو­گيالىق ءتۋريزمدى دامىتۋدىڭ تۇجى­رىمدامالىق تاسىلدەرى بەل­گىلەندى.

ونلاين جيىندا تۋريستىك با­عىتتار مەن جولداردى دامىتۋعا با­سا نازار اۋدارىلادى، سونىمەن قاتار جەڭىل قۇرىلىمداردى قولدانا وتىرىپ، كۇردەلى قۇرىلىستارسىز زاماناۋي ساپارلاۋ ورتالىقتارىن، گلەمپينگتەر، كەمپينگتەر، ەتنواۋىل­دار مەن كاراۆانينگتەر قۇرۋ جوسپارلانىپ جاتقانى بەلگىلى بولدى. بۇل تابيعي ورتاداعى كۇيزەلىستەردەن اۋلاق بولۋعا، قىزمەت كورسەتۋ ساپا­سىن قامتاماسىز ەتەتىن بىرىڭعاي تۋ­ريستىك ءونىم قۇرۋعا مۇمكىندىك بەرەدى.

ە.نىسانباەۆتىڭ ايتۋىنشا، شا­رىن ۇلتتىق پاركىندە جەكە ينۆەس­تيتسيا تارتۋ ارقىلى قازىرگى زا­مانعى 2 كەلۋ ورتالىعىن ورنالاستىرىپ، 4 جاياۋ تۋريستىك مارشرۋت­تى ۇيىمداستىرۋ، تۇنەمەلىك ورىن سايلاۋ، سونىمەن قاتار ەتنو­اۋىل قۇرۋ، 3 كورۋ الاڭى، گلەمپينگ الاڭدارى، كەمپينگتەر، كەرۋەن الاڭ­دارى، تا­ماقتانۋ ورىندارى مەن كادەسىي ونىمدەرىن ساتۋ ورىندارىن ورناتۋ بەلگىلەنۋدە. سونىمەن بىر­گە شات­قالداعى رە­كرەا­تسيالىق جۇك­تەمەنى ازايتۋ ءۇشىن تۋ­ريستەرگە قىز­مەت كور­سەتەتىن بارلىق نىسانداردى شات­­قالداردىڭ سىرتىندا ورنالاس­تىرۋ ارقىلى ەكوتۋريزمدى دامىتۋ جوسپارلانعان.

ەگەر جوبا كوپشىلىك تال­قى­لاۋىنان كەيىن قابىلدانسا، جوسپاردى ىسكە اسىرۋ ءۇشىن اشىق كونكۋرس ارقىلى بولاشاق ينۆەستورلاردى تارتۋ كوز­دەلەدى. سونىمەن بىرگە ەكولوگيا مي­نيسترلىگى بۇعان دەيىن بىرنەشە رەت اتاپ وتكەندەي، ۇلتتىق پاركتەردىڭ جەرلەرى قازاقستان رەس­پۋبليكاسىنىڭ زاڭىنا سايكەس، مەملەكەت مەنشىگىندە تولىقتاي قالا وتىرىپ، جەكە تۇل­عالاردىڭ يەلىگىنە ەشقانداي جاع­دايدا بەرىلمەيدى. ينۆەستور ءوز مىن­دەتتەمەسىن ورىنداماسا، ءتۋريزمدى دامىتۋ ءۇشىن بولىنگەن جەرلەر كەز كەلگەن ۋاقىتتا كەلىسىمشارتتى بۇزۋ مۇمكىندىگىمەن ۋاقىتشا پايدالانۋعا بەرىلەدى.

سونىمەن قاتار تۇساۋكەسەر اياسىندا ە.نىسانباەۆ، ەگترم ەكو­لو­گيالىق رەتتەۋ جانە باقىلاۋ كو­ميتەتىنىڭ توراعاسى زۇلفىحار جول­داسوۆ، سون­داي-اق ۇلتتىق پارك­تىڭ وكىلدەرى جۇرت­شىلىقتىڭ سۇ­راقتارىنا جاۋا­پ بەردى. بارلىق كو­تەرىلگەن ماسەلە، ەس­كەرتۋ مەن ۇسىنىس جوبانى ءارى قاراي دايىنداۋدا ەسكەرىلەتىن بولادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار