ماسەلەن, مادەنيەت جانە سپورت مينيسترلىگى مەن ماڭعىستاۋ وبلىسى اكىمدىگى بىرلەسە جۇزەگە اسىرعان جول كارتاسى جوباسى اياسىندا 8 نىسان مەن 12 سانيتارلىق-گيگيەنالىق توراپتىڭ قۇرىلىسى باستالىپ, تاعى 10 ينفراقۇرىلىم نىسانىنىڭ قۇرىلىسى جوسپارلانعان. قابىلدانعان شارالار ايماق اۋماعىندا Rixos Water World Aktau سياقتى جوبالاردى ىسكە اسىرۋ ءۇشىن ينۆەستورلاردى تارتۋعا مۇمكىندىك بەرەدى. قالانىڭ كۋرورتتىق كەشەندەرىنىڭ قارقىندى دامۋى جاقىن ارادا شەتەلدىك جانە وتاندىق جاعاجاي دەمالىسىن ۇناتۋشىلار اعىنىن ەداۋىر ارتتىراتىنى جوسپارلانعان.
«Rixos Aktau كۋرورتتىق قوناقۇيى دەستيناتسيا تۋرپوتەنتسيالىن مۇلدەم باسقا دەڭگەيگە شىعاردى. بۇل رەتتە ينۆەستورلار جاعالاۋ اۋماعىن ودان ءارى كەشەندى دامىتۋدى جوسپارلاپ وتىر. بۇكىل كەشەندى ىسكە اسىرۋ اقتاۋ قالاسىنىڭ عانا ەمەس, ەلدەگى بارلىق كۋرورتتىق دەمالىس يندۋسترياسىنىڭ كوزقاراسىن وزگەرتەدى. ماڭعىستاۋ وبلىسىنداعى ءتۋريزمنىڭ الەۋەتىن اشۋ تۋريستىك اعىن مەن تابىستى ارتتىرۋ ءۇشىن وتە ماڭىزدى. جاعاجاي ءتۋريزمى – دامۋدىڭ جالپى تۇجىرىمداماسىنداعى «الىپ», ال بىرەگەي تابيعي جانە تاريحي-مادەني ەسكەرتكىشتەر تۋريستەرگە ارنالعان ۇسىنىستاردىڭ سانىن كوبەيتۋدە جانە ساپاسىن جاقسارتۋدا شەشۋشى ءرول اتقارۋى كەرەك. ءوڭىردىڭ دامىپ كەلە جاتقان جول جەلىسى قازىردىڭ وزىندە كوپتەگەن تۋريستىك قىزىعۋشىلىق تۋدىراتىن ورىندارعا جايلى ساپارلاردى ۇيىمداستىرۋعا مۇمكىندىك بەرەدى», دەپ اتاپ ءوتتى ۆيتسە-مينيستر ءو.بيساقوۆ.
شىنىندا دا, كەيىنگى جىلدارى ماڭعىستاۋ تۇبەگى بەلسەندى ساياحات سەگمەنتىندە تۋريستەردى كوبىرەك قابىلدايدى. اسىرەسە, قاسيەتتى جەرلەرگە جول سالاتىن تۋريستەردىڭ سانى كوپ. وسىعان بايلانىستى كورىكتى جەرلەردى ساقتاۋ ماسەلەلەرىنە كوپ كوڭىل ءبولىنۋى ءتيىس.
Kazakh Tourism باسقارما توراعاسى ەرجان ەركىنباەۆتىڭ ايتۋىنشا, بوزجىرا, جىعىلعان, قاپامساي, تورىش, شەرقالا, ايراقتى-شوماناي – بىرەگەي تابيعي نىساندار. وسى وبەكتىلەردىڭ اينالاسىندا دۇرىس تۋريستىك ينفراقۇرىلىمدى دامىتۋدى جانە حالىقارالىق دەڭگەيدەگى تۋريستىك ونىمدەردى قۇرۋدى باستاۋ قاجەت.
– ۇلكەن قاشىقتىقتى ەسكەرە وتىرىپ, ەڭ الدىمەن تانىمال وبەكتىلەر اۋدانىنداعى ۆيزيت-ورتالىقتار جەلىسىن دامىتۋ, سونداي-اق تۋريستەردىڭ تۇنەۋىنە ارنالعان ورىندار ۇيىمداستىرۋ قاجەت. بۇل گلەمپينگ, كەمپينگ, شاتىرلى قالاشىقتارعا ارنالعان ورىندار, قوناقۇيلەر بولۋى مۇمكىن. اتالعان وبەكتىلەردىڭ بازاسىندا باقىلاۋ الاڭدارى, دجيپ/باگگي/موتو تۋرلار, بالىق اۋلاۋدى ۇيىمداستىرۋ, تۇيە فەرمالارىنا, ەتنو-اۋىلدارعا بارۋ جانە ت.ب. جاياۋ مارشرۋتتار ودان ءارى دامي الادى. ايتپەسە تۋريستەردىڭ تەرىس اسەرلى اعىندارىنىڭ سالدارى تەك زيان كەلتىرەدى. مۇنداي جاعدايدا تۋريست ءبىر ساپاردا بىردەن بىرنەشە نىساندى ارالاپ, ىلەسپە قىزمەتتەردىڭ بارلىق سپەكترىن الا الادى.
ماڭعىستاۋ وبلىسى اكىمىنىڭ ورىنباسارى عالىمجان نيازوۆ ءبىزدىڭ ءوڭىر – قىزىقتى تاريحي-مادەني نىسانداردىڭ, لاندشافتاردىڭ, زيارات ەتۋ ورىدارىنىڭ الۋان تۇرلىلىگىمەن, سالت-داستۇرلەرگە بەرىك ۇستانۋشىلىعىمەن ەرەكشەلەنەدى دەيدى. سونداي-اق ول ءوڭىردىڭ اۋماقتىق ورنالاسۋى, كاسپي تەڭىزى ارقىلى بىردەن بەس شەت مەملەكەتپەن شەكتەسۋ ارقىلى كوپ ميلليوندىق الەۋەتتى نارىق ەكەنىن ەسكە سالدى. «سوندىقتان ءوڭىر سوڭعى جىلدارى ءوزىنىڭ تۋريستىك الەۋەتىن بارىنشا ىسكە اسىرعىسى كەلەدى. ءبىز ۇسىنىستارعا اشىقپىز», دەيدى ع.نيازوۆ.
سالا وكىلدەرى باس قوسقان ەكى كۇندىك قارقىندى جانە جەمىستى جۇمىس بارىسىندا كوشپەلى كەڭەسكە قاتىسۋشىلار ورتا مەرزىمدى مىندەتتەردىڭ ۆەكتورىن انىقتادى, ولاردىڭ ىشىندە, مىسالى, ۆيزيت-ورتالىقتاردى ءوڭىردىڭ نەگىزگى تۋريستىك دەستيناتسيالارىنا ورنالاستىرۋ. بۇل حاباردى نازارعا العان كەزدەسۋلەرگە بەلسەندى قاتىسقان بيزنەس وكىلدەرى وسىنداي ەكى ۆيزيت-ورتالىقتىڭ قۇرىلىسىنا قاراجات سالۋعا نيەت ءبىلدىردى.
