وتكەن دەمالىس كۇندەرى پوليتسەيلەر مەن اكىمدىك وكىلدەرى قالانىڭ ويىن-ساۋىق ورىندارى, ساۋدا ورتالىقتارى جانە باسقا دا شوب نىساندارى بويىنشا رەيدتەر جۇرگىزدى.
كاسىپكەرلەر مەن كەلۋشىلەر ءالى دە سانيتاريا نورمالارىن بۇزۋدى جالعاستىرىپ جاتىر.
الماتى اۋدانىندا 24 شوب سۋبەكتىسى تەكسەرىلدى, 20-عا جۋىق تالاپ بۇزعاندار انىقتالدى. بايقوڭىر اۋدانىندا 29 سۋبەكت تەكسەرىلدى, 26 سانيتاريا نورمالارىن بۇزعان دەرەك انىقتالدى. ەسىل اۋدانىندا 31 وبەكت تەكسەرىلدى, 26 دەرەك انىقتالدى. سارىارقا اۋدانىندا 30 وبەكت تەكسەرىلىپ, 12 دەرەك انىقتالدى.
7 قىركۇيەكتەگى جاعداي بويىنشا, نۇر-سۇلتان قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە اۋداندىق پوليتسيا باسقارمالارىنان كارانتيندى بۇزعان ادامدارعا قاتىستى 963 ماتەريال كەلىپ تۇسكەن. 427 جەكە جانە زاڭدى تۇلعالار قر اقبتك-ءنىڭ 425-بابى بويىنشا (حالىقتىڭ سانيتارلىق-ەپيدەميولوگيالىق سالاۋاتتىلىعى بويىنشا تالاپ بۇزۋشىلىقتار) جالپى سوماسى 95 715 990 تەڭگە كولەمىندە اكىمشىلىك جاۋاپكەرشىلىككە تارتىلدى.
