ىندەتپەن عانا ەمەس, وزگە دە قاجەت ەتكەن ادامدارعا كومەك دەگەن ويمەن ماڭعىستاۋ وبلىسى بويىنشا قىلمىستىق اتقارۋ جۇيەسى دەپارتامەنتى گم-172/10 مەكەمەسى جەكە قۇرام قىزمەتكەرلەرى قان تاپسىردى. مەكەمەدە بۇل ءۇردىس داستۇرگە اينالعان.
قان تاپسىرعان قىزمەتكەرلەردىڭ ىشىندە سيرەك كەزدەسەتىن قان توبىنىڭ (4 +) يەسى دە بار.
– ءبىزدىڭ قانىمىز وزگەنىڭ قاجەتىنە جاراپ, ءومىرىن قۇتقارۋعا كومەكتەسسە, ول ءبىز ءۇشىن ۇلكەن قۋانىش. سوندىقتان قان تاپسىرۋدان باس تارتپايمىز جانە مۇنى ءبىز جىل سايىن تۇراقتى قايتالاناتىن ءۇردىس رەتىندە قالىپتاستىردىق, – دەيدى مەكەمە قىزمەتكەرى ا.ءابدىراش.
