كۇتپەگەن جەردەن ۇلكەن ولجاعا كەنەلگەن قىزمەتكەر كونە كىتاپتى جۇمىس ورنىنا قۇشاقتاپ بارىپ, ارىپتەستەرىنە كورسەتەدى. ۇجىم بولىپ تانىسىپ, قاراپ شىققان ارىپتەستەرى: "وتە قۇندى, سيرەك كەزدەسەتىن كىتاپ ەكەن. مۇنى اكادەميا باستىعىنا كورسەتەيىك" دەگەن ۇسىنىس تاستايدى. وسىلايشا كيەلى كىتاپ باسشىلىقتىڭ قولىنا تيەدى.
كىتاپتى پاراقتاپ قاراپ شىققان اكادەميا باسشىسى نۇرلان بيەكەنوۆ: "بۇل شىنىندا دا جاقسى كىتاپ ەكەن عوي. مۇنداي كىتاپتار كوپ كەزدەسە بەرمەيدى. سيرەك قۇندىلىقتىڭ ءبىرى ەكەن. مۇنى كۋرسانتتارىمىزعا تانىستىرايىق. ولار دا كورسىن, وقىسىن. كىشىگىرىم تۇساۋكەسەرىن وتكىزەيىك. بۇل دانىشپان ابايدىڭ ەڭبەگى عوي. ابايدىڭ ەڭبەگى بۇكىل حالىققا ورتاق. سوندىقتان بۇل كىتاپتىڭ ءبىر ۇيدە نەمەسە ءبىر وقۋ ورنىندا قالىپ قويعانى جاراماس. ودان دا مۇنى وبلىستىق كىتاپحاناعا تارتۋ ەتسەك قالاي بولادى؟" دەگەن اقىل قوسادى. مىرزابەك ءسال ويلانىپ تۇرىپ, – مۇنىڭىز ءجون ەكەن, – دەپ كونە كىتاپتى وقۋ ورنىنىڭ مۇراجايىنا ۋاقىتشا ساقتاۋعا تاپسىرادى.
– بۇل كىتاپتىڭ ءبىر قۇندىلىعى العى ءسوزىن ءسابيت مۇقانوۆ جازعان ەكەن. ول دا لاتىن قارپىندە. جيناق نەگىزىندە ەكى تومدىق. ونىڭ ءبىرىنشى تومى – بىزدە تابىلعان كىتاپ. ەكىنشى تومى مۇحتار ومارحان ۇلى اۋەزوۆتىڭ العى سوزىمەن شىققان. ول كىتاپ, ازىرشە, قولدا جوق. تابىلعان كىتاپتىڭ ساپاسى رەستاۆراتسيا جاساۋدى قاجەت ەتەدى. سىرتى كوك ءتۇستى جۇقا ماتامەن قاپتالعان. مۇقابالارى اجىراپ, توزىڭقىراپ قالعان. بىراق قارىپتەرى وقۋعا كەلەدى. جىرتىلعان بەتتەرى بار. باسى 19-شى بەتتەن باستالادى. سوڭى 272-ءشى بەتتەن بىتكەن. جالپى جيناققا ەنگەن ولەڭدەر مەن پوەمالار تولىق ساقتالعان. العى سوزىنەن ءبىراز بەت, ودان كەيىن كىتاپ سوڭىنداعى تۇسىنىكتەمەلەردەن ءبىراز بەت جوق. ەندى وسى جوق بەتتەرىن ىزدەپ تاۋىپ, تولىقتىرىپ, كىتاپتىڭ كوشىرمەسىن جاساپ, وزىمىزگە قالدىرىپ, تۇپنۇسقاسىن وبلىستىق كىتاپحاناعا تاپسىرامىز با دەگەن ويىمىز بار, – دەدى اكادەميانىڭ ىشكى جانە سىرتقى كوممۋنيكاتسيالار ءبولىمىنىڭ باستىعى قۇربانالى ەلمۇراتوۆ.
تاعى ءبىر ايتا كەتەتىن نارسە, مىرزابەك تۇيعانوۆتىڭ اتاسى كوزى اشىق, كوكىرەگى وياۋ, وتە ءبىلىمپاز, ادام بولسا كەرەك. ول كىسى بۇعان دەيىن دە قازاق شەجىرەسىن جازعان كىسى ەكەن. ونى بەلگىلى اقىن اقىلبەك شاياحمەت ۇلى جەكە كىتاپ ەتىپ باستىرىپ شىعارىپ بەرىپتى.
جوعارعى وقۋ ورنى قىزمەتكەرلەرىنىڭ ايتۋىنشا, جاڭا تابىلعان ابايدىڭ كونە كىتابى وبلىستىق كىتاپحانا قورىندا جوق. قۇندى كىتاپقا ۇلى اقىننىڭ ولەڭدەرى مەن "ەسكەندىر", ء"ازىم اڭگىمەسى", "ماسعۇت" پوەمالارى ەنگەن. وسى اپتانىڭ سوڭىنا تامان اكادەميادا ء"تىل اپتالىعى" وتەدى. ش.قابىلباەۆ اتىنداعى ءبىلىم ورداسى سول اپتالىقتىڭ اياسىندا اباي كىتابىنىڭ تۇساۋكەسەرىن دە وتكىزۋدى جوسپارلاپ وتىر. ودان كەيىن قۇندى كىتاپ وبلىستىق كىتاپحاناعا تارتۋ ەتىلمەك.
