تىزىلىمدە ليتسەنزيات ليتسەنزيا العان كەزدە ۇسىناتىن بارلىق دەرەكتەر (اتتەستاتتالعان ينجەنەرلىك-تەحنيكالىق قۇرام; ماتەريالدىق-تەحنيكالىق جاراقتاندىرىلۋى; وندىرىستىك بازا, ىسكە اسىرىلعان وبەكتىلەرى, جۇمىس تاجىريبەسى) كورسەتىلەدى. وسى ءتىزىلىم دەرەكتەردى قايتا تەكسەرۋ جانە وزەكتەندىرۋ ءۇشىن باسقا مەملەكەتتىك ورگانداردىڭ اقپاراتتىق جۇيەلەرىمەن ينتەگراتسيالانادى. اتالعان شارالاردى ىسكە اسىرۋ قۇرىلىس جانە جوبالاۋ ۇيىمدارى قىزمەتىنىڭ اشىقتىعىن ارتتىرۋعا مۇمكىندىك بەرەدى. ويتكەنى بارلىق دەرەكتەر اشىق, قولجەتىمدى بولادى.
ءوز كەزەگىندە, بۇل شارالار تەحنيكالىق قاداعالاۋ مەن تەحنيكالىق تەكسەرۋدى جۇزەگە اسىراتىن زاڭدى تۇلعالاردى اككرەديتتەۋ جونىندەگى مەملەكەتتىك قىزمەت سياقتى تولىق اۆتوماتتاندىرۋمەن قۇرىلىس سالاسىندا ليتسەنزيا بەرۋ ءراسىمىن بارىنشا وڭتايلاندىرادى.
بىلتىر مينيسترلىك اتالعان مەملەكەتتىك قىزمەتتى تولىعىمەن اۆتوماتتاندىرعان ەدى. وتىنىمدەر قارالىپ, ناتيجەلەرى 20 مينۋت ىشىندە ادام فاكتورىنىڭ اسەرىنسىز تولىقتاي كومپيۋتەرمەن بەرىلەدى. بۇل ءۇشىن Egov.kz ۇكىمەت پورتالىمەن ىقپالداستىرا وتىرىپ ءتيىستى تىزىلىمدەر اۆتوماتتاندىرىلدى.
بۇگىنگى تاڭدا مينيسترلىك ناقتى شارالار مەن مەرزىمدەرى كورسەتىلگەن جول كارتاسىنىڭ جوباسىن ازىرلەپ, كەلىسۋ ءۇشىن ءتيىستى ورگاندارعا جىبەردى. جول كارتاسى 2021 جىلى ىسكە اسىرىلادى.
پرەمەر-ءمينيسترىڭ 2019 جىلعى 27-28 قاراشاداعى حاتتامالىق تاپسىرماسىن ورىنداۋ بويىنشا يندۋستريا جانە ينفراقۇرىلىمدىق دامۋ مينيسترلىگى «اتامەكەن» ۇلتتىق كاسىپكەرلەر پالاتاسىمەن بىرلەسىپ, زاڭنامادا بەلگىلەنگەن تارتىپپەن ادىلەت مينيسترلىگى, ۇلتتىق ەكونوميكا مينيسترلىگى, قارجى مينيسترلىگى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرگە قولدا بار مەملەكەتتىك اقپاراتتىق جۇيەلەرمەن ينتەگراتسيالاناتىن, ءاربىر ليتسەنزيات بويىنشا تولىق مالىمەتتەردى قامتيتىن جانە بەلسەندى ەمەس ۇيىمداردى انىقتاۋعا مۇمكىندىك بەرەتىن قۇرىلىس سالاسىنداعى ليتسەنزياتتاردىڭ بىرىڭعاي ەلەكتروندىق ءتىزىلىمىن قۇرۋ ماسەلەسىن قاراستىرۋ تاپسىرىلعان ەدى.
