ايماقتار • 06 قىركۇيەك، 2020

قارۋ-جاراق يەلەرىنىڭ قۇجاتتارى تەكسەرىلە باستادى

133 رەت كورسەتىلدى

اقتوبە وبلىسىنىڭ ىشكى ىستەر قىزمەتكەرلەرى 4 قىركۇيەكتەن باستاپ، وبلىستاعى قارۋ-جاراق يەلەرىنىڭ قۇجاتتارى مەن قارۋلارىن تەكسەرۋدى باستادى، دەپ حابارلايدى Egemen.kz.

ءبۇگىندە وبلىستا قارۋ ۇستاۋعا رۇقساتى بار  8 مىڭنان استام ازامات تىركەلسە، قازان ايىنا دەيىن ولاردىڭ ۇيلەرىندە ساقتالاتىن قارۋلارى قايتا تۇگەندەلەدى. قارۋ-جاراقتى تۇگەندەۋ ايلىعىنىڭ  العاشقى اپتاسىندا 20 اكىمشىلىك-قۇقىقبۇزۋشىلىق دەرەكتەرى  انىقتالدى.

سونىڭ ىشىندە 3 ازامات قارۋ ساقتاۋ  ەرەجەسىن ورەسكەل بۇزسا، ءبىر تۇرعىننىڭ قارۋ ساقتاۋعا رۇقساتى بولماي شىقتى،ءبىر تۇرعىن  قايتا تىركەۋدەن وتكىزۋ مەرزىمىن وتكىزىپ العان. قارۋ ساقتايتىن  سەيفتىڭ قابىرعاعا بەكىتىلمەگەن 3 دەرەگى،  قارۋ ساقتايتىن ورىنداعىارنايى دابىل بەرۋ قوندىرعىسىنىڭ ىستەن شىققان 5 دەرەگى تىركەلدى. مارتوك جانە شالقار اۋداندارىندا  2 ەلەكتروشوكەر مەن 4 پىشاق تاركىلەندى.  

شەكارادان وتكىزۋ بەكەتىندە دە قارۋ-جاراق تەكسەرىلىپ جاتىر. ماسەلەن، مارتوك اۋدانىنداعى "جايساڭ" وتكىزۋ بەكەتىندە رەسەي فەدەراتسياسىنا كەتىپ بارا جاتقان قازاقستاندىق ازاماتتىڭ اۆتوكولىگىنەن 801 "TYRE" ماركىلى  تىركەلمەگەن ەلەكتروشوكەر قارۋى تابىلىپ، وسى دەرەك بويىنشا  قر اكىمشىلىك قۇقىق بۇزۋشىلىق كودەكسىنىڭ 482-بابى بويىنشا  اكىمشىلىك ءىس قوزعالدى.

قارۋ-جاراق تەكسەرۋ ايلىعى قازان ايىنا دەيىن سوزىلادى.

سوڭعى جاڭالىقتار

پاريجگە سىيماعان پول

ونەر • بۇگىن، 21:16

قارتتار ۇيىندەگى ۆالس

قوعام • بۇگىن، 21:05

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار