قوعام • 05 قىركۇيەك، 2020

ا.بالاەۆا "قازاق گازەتتەرى" جشس ۇجىمىمەن كەزدەسۋ وتكىزدى

71 رەت كورسەتىلدى

اقپارات جانە قوعامدىق دامۋ ءمينيسترى ا.بالاەۆا "قازاق گازەتتەرى" جشس ۇجىمىمەن كەزدەسۋ وتكىزدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

2020 جىلعى 5 قىركۇيەكتە قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ا.بالاەۆا "قازاق گازەتتەرى" جشس ۇجىمىمەن كەزدەسۋ وتكىزىپ، "مىسل" رەسپۋبليكالىق قوعامدىق-ساياسي عىلىمي-اعارتۋشىلىق جۋرنالىنىڭ 100 جىلدىعىمەن قۇتتىقتادى.

مينيستر جينالعاندارعا مەملەكەتتىك حاتشى ق.كوشەرباەۆتىڭ اتىنان  "مىسل" جۋرنالى ۇجىمىنا ارنايى قۇتتىقتاۋ حاتىن وقىپ بەردى. 

ءوز كەزەگىندە، اقپارات جانە قوعامدىق دامۋ ءمينيسترى ايدا بالاەۆا تسيفرلىق تەحنولوگيالار داۋىرىندەگى "مىسل" جۋرنالى حالىقتىڭ سۇرانىسقا يە باسىلىمى بولىپ قالا بەرەتىنىن، ۇلتتىق سانا مەن رۋحاني قۇندىلىقتاردى قالىپتاستىرۋ بويىنشا قوعامدىق-ماڭىزدى جۇمىستاردى جۇرگىزۋگە باعىتتالعان ءوزىنىڭ تاقىرىپتىق كونتەنتى بار ەكەنىن اتاپ ءوتتى.

سوڭىندا، مينيستر ايدا بالاەۆا ەلىمىزدىڭ ءتۇرلى تاقىرىپتىق باسپا باسىلىمدارىن بىرىكتىرەتىن "قازاق گازەتتەرى" جشس ۇجىمىنا شىعارماشىلىق تابىس تىلەدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار