ونلاين رەجيمدە الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن "نازارباەۆ زياتكەرلىك مەكتەبى" الماتىداعى فيليالىنىڭ قامقورشىلىق كەڭەسىنىڭ ۇيىمداسقان وتىرىسى ءوتتى. جيىنعا سونىمەن بىرگە قالالىق ءبىلىم باسقارماسىنىڭ باسشىسى ءلاززات جىلقىباەۆا قاتىستى.
وتىرىس بارىسىندا الماتىداعى نزم اعىمداعى جۇمىس كورسەتكىشتەرى, قالانىڭ ورتا بىلىمىنە تاجىريبەمەن ءبولىسۋ بارىسى, سونىمەن بىرگە وقۋشىلاردىڭ ءبىلىم بەرۋ جەتىستىكتەرىندەگى باعالاۋ بويىنشا PISA (Programme for International Student Assessment) حالىقارالىق باعدارلاماسىنىڭ ناتيجەلەرى جانە الماتى قالاسى مەكتەپتەرىنىڭ پەداگوگيكالىق ماماندارىنىڭ كاسىبيلىگىن دامىتۋ ماسەلەلەرى قارالدى.
"فيزيكا-ماتەماتيكالىق باعىتتاعى "نازارباەۆ زياتكەرلىك مەكتەبىنىڭ" الماتى قالاسىنداعى فيليالىنىڭ ديرەكتورى جۇلدىز سۇلەيمەنوۆا 2019-2020 وقۋ جىلىنا ارنالعان فيليالدىڭ جۇمىس ساراپتاماسىمەن مىناداي نەگىزگى كەيستەر بويىنشا باياندادى: وقۋداعى جەتىستىكتەر, تاربيە جۇمىسى, مەكتەپ تۇلەكتەرىنىڭ جوو-نا ءتۇسۋى.
وقۋشىلاردىڭ ءبىلىم ساپاسى 2019-2020 وقۋ جىلىنىڭ قورىتىندىسى بويىنشا 85,2 پايىزدان 98 پايىزعا دەيىن جاقسارعان, 118 وقۋشى وقۋدى ۇزدىك بەلگىسىمەن اياقتاعان. 2020-2021 وقۋ جىلىنا وقۋشىلاردىڭ جەكە دارا وقۋىن ودان ارى دامىتۋ, ينجەنەرلىك لابوراتوريا جانە "عارىش" لابوراتورياسىن قۇرۋ, سونىمەن بىرگە, مۇعالىمدەر قۇرامىنا قولداۋ جاساۋ بويىنشا مىندەتتەر قويىلعان. قاشىقتان وقۋ اياسىندا اعىمداعى جىلدىڭ قازان ايىنان باستاپ, وقۋشىلاردىڭ جەكە تراەكتورياسىن دامىتۋدىڭ ونلاين پلاتفورماسىن ەنگىزۋ جوسپارلانۋدا.
نزم-ءنىڭ تاجىريبەسىن الماتى مەكتەپتەرىنىڭ وقۋ پروتسەسىنە تاراتۋعا ەرەكشە كوڭىل ءبولىندى. بۇگىنگى تاڭدا نزم فيليالىنىڭ تاجىريبەسى الماتىدا قالانىڭ 61 مەكتەبىنە تارالۋدا. الماتى نزم ۇيىمداستىرعان سەمينارلارعا, ۆەبينارلارعا جانە شەبەرلىك سىنىپتارىنا مىڭنان اسا ادام قاتىسقان.
وتىرىسقا قامقورشىلىق كەڭەستىڭ مۇشەلەرى: قالالىق ءماسليحات دەپۋتاتى ءامىرجان نابيەۆ, "ۇلتتىق اۋدارما بيۋروسى" جالپى ءبىلىم بەرۋ قورىنىڭ اتقارۋشى ديرەكتورى ر.كەنجەحان ۇلى, پەداگوگيكالىق ولشەمدەر ورتالىعىنىڭ ديرەكتورى ا.شىلىكبەكوۆا, "فيزيكا-ماتەماتيكالىق باعىتتاعى "نازارباەۆ زياتكەرلىك مەكتەبى" الماتى قالاسى فيليالى ديرەكتورىنىڭ ورىنباسارى س.سولتانعازينا, نازارباەۆ ۋنيۆەرسيتەتىنىڭ جوعارى ءبىلىم فاكۋلتەتىنىڭ دەكانى ا.ساعىنتاەۆا, "ازمك" جشس باس ديرەكتورى ش.شاردينوۆ, قازاقستانداعى سينەرگيا ۋنيۆەرسيتەتى وكىلدىگىنىڭ باس ديرەكتورى ب.قاسىمبەرگەباەۆ, "قازاقستاننىڭ 100 جاڭا تۇلعاسى" جوباسىنىڭ جەتەكشىسى م.ەسەن, "تۇرعىن ءۇي قۇرىلىس جيناق بانكى" اق توراعاسىنىڭ ورىنباسارى جانە باسقالارى قاتىستى.
قامقورشىلىق كەڭەستىڭ II وتىرىسىن قورىتىندىلاي كەلە الماتى قالاسى اكىمىنىڭ ورىنباسارى ەرجان باباقۇماروۆ نزم-ءنىڭ جوعارى كورسەتكىشتەرىن اتاپ ءوتتى جانە بارلىق وقىتۋشىلار قۇرامىنا العىسىن ءبىلدىردى. اعىمداعى جىلى نزم-ءنىڭ 3 مۇعالىمى قالا اكىمى باقىتجان ساعىنتاەۆتىڭ باستاماسىمەن قولعا الىنعان "الماتى جاستارى" باعدارلاماسى اياسىندا باسپاناعا يە بولعان. ەكىنشى كەزەڭ بارىسىندا مۇعالىمدەر تاراپىنان وتىنىشتەر تۇسكەن.
ەرجان باباقۇماروۆ ءبىلىم باسقارماسىنىڭ باسشىلىعىنا نزم الماتى فيليالىنىڭ وقۋشىلاردىڭ جەكە-دارا ناتيجەسىن جاقسارتۋ بويىنشا جۇمىستارىن جالعاستىرۋدى جانە قالانىڭ جالپى ءبىلىم بەرەتىن مەكتەپتەرىنە نازارباەۆ زياتكەرلىك مەكتەبىنىڭ تاجىريبەسىمەن ءبولىسۋ جۇمىستارىن ماسشتابتاۋدى, سونىمەن بىرگە قالانىڭ ورتا مەكتەپتەرىنە تاجىريبەنى يمپلەمەنتاتسيالاۋ جانە نزم ستاندارتتارى بويىنشا پاندەردى ۇيرەتۋدىڭ ساپا ديناميكاسى بويىنشا زەرتتەۋ جۇرگىزۋدى تاپسىردى.
