قازاقستان • 04 قىركۇيەك، 2020

ەلوردادا ەكىنشى دۇنيەجۇزىلىك سوعىستىڭ اياقتالۋىنا ەكسپوزيتسيا اشىلدى

20 رەت كورسەتىلدى

نۇر-سۇلتان قالاسىنداعى قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىندا ەكىنشى دۇنيەجۇزىلىك سوعىستىڭ اياقتالعانىنا 75 جىل تولۋىنا ارنالعان بىرەگەي ەكسپوزيتسيانىڭ سالتاناتتى اشىلۋى ءوتتى، - دەپ حابارلايدى Egemen.kz.

ەكسپوزيتسيادا مۇراعاتتىق جانە ستاتيستيكالىق فوتوماتەريالدار، سوعىس ارداگەرلەرىنىڭ جەكە زاتتارى مەن قارۋ-جاراقتارى قويىلعان. بارلىق ەكسپوزيتسيالىق ماتەريالدار قر قك اسكەري-تاريحي مۇراجايى قىزمەتكەرلەرىمەن جينالدى.

1945 جىلى 2 قىركۇيەكتە جاپونيا پوتسدام دەكلاراتسياسىنىڭ بارلىق شارتتارىن قابىلداپ، ءوزىنىڭ تولىق جەڭىلگەندىگى تۋرالى اكتىگە قول قويدى. جاپونيانى جەڭۋ ەكىنشى دۇنيەجۇزىلىك سوعىستىڭ اياقتالۋىمەن بەلگىلەندى.

وكىنىشكە وراي، كەڭەس-جاپون سوعىسىنا قاتىسقان بارلىق قازاقستاندىقتاردىڭ ەسىمدەرى ءالى بەلگىلى ەمەس. الايدا، اسكەري-تاريحي مۇراجاي قىزمەتكەرلەرى وقيعالاردىڭ حرونومەتراجىن ىزدەۋ جانە قالپىنا كەلتىرۋ بويىنشا جوسپارلى جۇمىستى تۇراقتى نەگىزدە جۇرگىزۋدە.

«سوعىسقا قاتىسقان ون مىڭنان استام قازاقستاندىق جاۋىنگەردىڭ 200-دەن استامى ءتۇرلى وردەندەرمەن جانە مەدالدارمەن ماراپاتتالدى، – دەدى قر قك اسكەري-تاريحي مۇراجايىنىڭ باستىعى پودپولكوۆنيك نۇرتازا ءاسىلوۆ. – سونداي-اق، ءبىز قازاقستاننىڭ بەيبىت ءومىر كەشىپ جاتقانىنا زور ۇلەس قوسقان قازاقستاندىق باتىرلاردى ەسكە الىپ، قۇرمەتتەۋىمىز كەرەك».

سانيتارلىق-ەپيدەمياعا قارسى تالاپتاردى ساقتاي وتىرىپ وتكىزىلگەن اشىلۋ سالتاناتىنا قازاقستان قارۋلى كۇشتەرىنىڭ ارداگەرلەرى، ەكىنشى دۇنيەجۇزىلىك سوعىسقا قاتىسقان ارداگەرلەردىڭ تۋىستارى مەن قورعانىس مينيسترلىگىنىڭ وكىلدەرى قاتىستى.

«بۇگىنگى شارا بولاشاق ۇرپاق ءۇشىن ۇلكەن پاتريوتتىق مانگە يە بولىپ تابىلادى. اسكەري-تاريحي مۇراجايىنىڭ باسشىلىعىنا ريزاشىلىعىمدى بىلدىرەمىن. بەيبىت ءومىر ءسۇرىپ جاتقانىمىزعا زور ۇلەس قوسقان قازاقستاندىق باتىرلارىمىزدى ەسكە الىپ، قۇرمەتتەۋىمىز كەرەك»، - دەدى ارداگەردىڭ ۇلى پولكوۆنيك قازەز تىلەۋباەۆ.

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار