ءموبيلدى توپ "شاپاعات" جانە "الەم" ساۋدا ۇيلەرىن تەكسەرۋ بارىسىندا, ساتۋشىلار دا, ساتىپ الۋشىلار دا تالاپتاردى بۇزعانى انىقتالدى.
"شاپاعات" ساۋدا ۇيىندە تەكسەرۋشىلەر دۇڭگىرشەكتەر جانىندا بەلگىلەردىڭ جوقتىعىن, الەۋمەتتىك قاشىقتىق پەن ماسكا رەجيمىنىڭ ساقتالماعانىن انىقتادى. سونىمەن قاتار, ءموبيلدى توپ وكىلدەرى سانيتارلىق دارىگەردىڭ قاۋلىسىنا ساي, ءار 50 مەتر سايىن سانيتايزەرلەر قويىلماعانىن اتاپ ءوتتى.
"ەكى كىرەبەرىستىڭ بىرىندە تەمپەراتۋرا ولشەنبەيدى. زالداردىڭ بىرىندە ولار ورناتىلماعان, تەك ءبىر جەردە عانا بار. اكىمشىلىك سيپاتتاعى شارالار قولداناتىن بولامىز. كودەكسكە سايكەس, ەسكەرتۋلەر بەرىلمەيدى, تەك ايىپپۇل سانكتسيالارى تاعايىندالادى. سۋبەكتىنىڭ ساناتىنا بايلانىستى: ەگەر كىشى بولسا – 200-300 اەك, ەگەر ءىرى بولسا – 1 600 اەك", - دەدى بايقوڭىر اۋداندىق سانيتارلىق-گيگيەنالىق قاداعالاۋ ءبولىمىنىڭ باسشىسى اسىل سەرالى.
سونداي-اق, مونيتورينگ توبىنىڭ وكىلدەرى كەلۋشىلەر سانى بويىنشا ەسكەرتۋلەر جاسادى.
"اكىمشىلىك كىرە بەرىستە, زالدا كۇزەت بار-جوعىن باقىلاۋى كەرەك; ساتۋشىلارمەن نۇسقاۋلىق وتكىزۋ كەرەك", - دەپ اتاپ ءوتتى اسىل سەرالى.
بازار باسشىلارى بارلىق ەسكەرتۋلەردى جويۋعا ۋادە بەردى.
"الەم" ءسۇ سانيتارلىق تالاپتار الدەقايدا مۇقيات ساقتالعان. الايدا, ەرەجە بۇزۋشىلىقتار بۇل جەردەن دە تابىلدى.
"الەۋمەتتىك قاشىقتىقتى ساقتاۋعا ارنالعان ەشقانداي بەلگى جوق, كەلۋشىلەر اراسىندا ماسكا رەجيمى ساقتالمايدى. سونداي-اق, ساتۋشىلار ماسكانى دۇرىس تاقپاعان. ءبىز زالدان سانيتايزەرلەر بايقامادىق, تەك كىرە بەرىستە عانا ورناتىلعان. ناتيجەلەردى جەرگىلىكتى پوليتسيا قىزمەتىمەن تالقىلايمىز, بۇزۋشىلىقتار تۋرالى راپورت جاسايمىز, ءارى قاراي شارا قولدانامىز", – دەپ ءتۇسىندىردى اسىل سەرالى.
سونداي-اق, سانيتارلىق-گيگيەنالىق باقىلاۋ باسشىسى نىسانداردا مونيتورينگتىك ءىس-شارالار كۇن سايىن جۇرگىزىلىپ جاتقانىن اتاپ ءوتتى. الايدا, ەڭ باستىسى – ەرەجەلەردى ساقتاۋ, ويتكەنى قاتاڭ شارالاردىڭ ارقاسىندا عانا كوروناۆيرۋستىڭ تارالۋىن تولىعىمەن بولدىرماۋعا بولادى.
"ەرەجەلەردى ءبارى بىلەدى, بىراق بۇزادى. مۇنى بىرنەشە رەت جاسايتىن نىساندار بار. ەڭ الدىمەن, ۆيرۋستىق ينفەكتسيانىڭ تارالۋىن بولدىرماۋ ءۇشىن بارلىق سانيتارلىق نورمالاردى ساقتاۋ كەرەك. بۇل ەن ءبىرىنشى ماسكا رەجيمىن ساقتاۋ, ويتكەنى ۆيرۋس اۋا تامشىلارىمەن بەرىلەتىنى بەلگىلى. ەگەر ادامدار ءبىر-بىرىمەن بايلانىستا بولسا, ۆيرۋس توقتامايدى. بارلىق سانيتارلىق نورمالار, بارلىق قاۋلىلار وسى ۆيرۋستىڭ تارالۋىن بولدىرماۋ ءۇشىن قاجەت", – دەپ تۇيىندەدى سانيتارلىق-گيگيەنالىق قاداعالاۋ ءبولىمىنىڭ باسشىسى.
