"قازىرگى تاڭدا قازاقستانداعى ەپيدەميالىق احۋال تۇراقتى دەپ باعالانۋدا. كوروناۆيرۋس ينفەكتسياسىن جۇقتىرۋ دەڭگەيى تومەندەپ جاتقانى بايقالادى. 4-ءشى قىركۇيەكتەگى مالىمەت بويىنشا 106 121 ناۋقاس كوروناۆيرۋس ينفەكتسياسىن جۇقتىرعان, سوڭعى تاۋلىكتە 89 جاعداي تىركەلدى. قازىر 5 924 پاتسيەنت ەم قابىلداپ جاتىر, 98 585 ناۋقاس جازىلىپ شىقتى. وكىنىشكە قاراي, 1 612 ادام قايتىس بولدى. كوروناۆاۆيرۋسقا ۇقساس بەلگىلەرى بار, بىراق پتر تەست ناتيجەسى تەرىس شىققان 26 803 ادام تىركەلدى. ولاردىڭ اراسىندا 305 پاتسيەنت قايتىس بولدى. 20 972 ناۋقاس ەم قابىلداپ جاتىر, 5 831 ادام جازىلىپ شىقتى",- دەدى باعدات قوجاحمەتوۆ.
ءولىم-ءجىتىم جاعدايىنا ساراپتاما جاسايتىن ارنايى كوميسسيانىڭ قورىتىندىسىنا سايكەس, 556 ادام جاناما نەمەسە ىلەسپە اۋرۋلاردىڭ اسەرىنەن قايتىس بولعان.
"بۇگىندە دەنساۋلىق ساقتاۋ ءمينيسترى تۇركىستان وبلىسىندا جۇمىس ساپارىمەن ءجۇر. بۇعان دەيىن ول شىمكەنت, تالدىقورعان, اياگوز, وسكەمەن قالالارىندا بولدى.ء ىسساپاردىڭ ماقساتى - وڭىرلەردەگى مەديتسينالىق مەكەمەلەردىڭ دايىندىعىن تەكسەرۋ. كۇزدە كوروناۆيرۋستىڭ ەكىنشى تولقىنى بولۋى مۇمكىن دەگەن بولجام بارىن بىلەسىزدەر, سوندىقتان قاۋىپ-قاتەرگە دايىن بولۋ ءۇشىن مينيستر, ءوزى ايماقتاردى ارالاپ ءجۇر. ءدارى-دارمەك قورىن, اۋرۋحانالاردىڭ مۇمكىندىگىن, ءموبيلدى بريگادالاردىڭ قىزمەتىن قاداعالاۋدا", - دەدى ول.
