"قاشىقتان ءبىلىم بەرۋ پروتسەسىن ءتيىستى دەڭگەيدە ۇيىمداستىرۋعا ۇلەس قوسۋ ماقساتىندا "قازاقستاندىق سالالىق ءبىلىم جانە عىلىم قىزمەتكەرلەرى كاسىپتىك وداعى" قب پەداگوگتاردى قولداۋ تۋرالى شەشىم قابىلداعان بولاتىن. وسى جۇمىستاردىڭ اياسىندا جاڭا وقۋ جىلى قارساڭىندا سالا قىزمەتكەرلەرى – كاسىپوداق مۇشەلەرىنە جان-جاقتى كومەك كورسەتۋ شارالارى جۇزەگە اسىرىلدى. تەك جامبىل وبلىسىندا 336 بىرلىك نوۋتبۋك ايماقتاعى ءبىلىم بەرۋ ۇيىمدارىنىڭ بالانسىنا بەرىلسە, قالعان وڭىرلەردە نوۋتبۋك قۇرىلعىلارى سالا قىزمەتكەرلەرى - كاسىپوداق مۇشەلەرىنە قايتارىمسىز نەگىزدە سىيعا تارتىلدى",- دەلىنگەن حابارلامادا.
اتاپ ءوتۋ كەرەك, نوۋتبۋكتار كوپبالالى, از قامتىلعان ۇستازدارعا, مۇقتاج پەداگوگتارعا, سونىمەن قاتار وتباسىندا مەكتەپ جاسىندا جانە ستۋدەنت بىرنەشە بالاسى بار كاسىپوداق مۇشەلەرىنە بەرىلگەن. بۇدان بولەك, بىرقاتار وبلىستا سالالىق كاسىپوداقتىڭ مۇشەلىك ۇيىمدارى ۇستازدارعا نوۋتبۋك ساتىپ الۋى ءۇشىن قارجىلاي كومەكتەسكەن.
"سونىمەن قاتار كەيبىر ايماقتاردا كاسىپوداق ينتەرنەت بايلانىسىنىڭ وتەماقىسىن تولەپ بەرۋدە. ماسەلەن, قاراعاندى وبلىسىندا ساران اۋداندىق كاسىپوداق كوميتەتى 39 پەداگوگتىڭ, اباي اۋداندىق كاسىپوداق كوميتەتى 50 كاسىپوداق مۇشەسىنىڭ ينتەرنەت ءتاريفىنىڭ قۇنىن تولەۋگە ماتەريالدىق كومەك بەردى. قازىرگى تاڭدا سالالىق كاسىپوداق پەن ونىڭ مۇشەلىك ۇيىمدارى رەسپۋبليكالىق "مەكتەپكە جول" اكتسياسىنا بەلسەندى تۇردە قاتىسۋدا. پاندەميا كەزەڭىندە كاسىپوداق مۇشەلەرىن الەۋمەتتىك قولداۋ جانە قۇقىقتىق قورعاۋ جۇمىستارى جالعاسادى" دەلىنگەن حابارلامادا.
