اسىرەسە كاسىپكەرلىك سالاسى ايتارلىقتاي زارداپ شەكتى. الىنعان نەسيەلەر, وزگە دە تولەمدەر جۇمىسى توقتاپ تۇرعان كاسىپكەرلەر ءۇشىن ايتارلىقتاي پروبلەماعا اينالدى. ەلىمىزدەگى ەپيدەميالىق احۋالعا وراي قابىلدانعان شەكتەۋ شارالارى بيزنەس وكىلدەرىنىڭ جۇمىس ىستەۋىنە ءالى دە مۇمكىندىك بەرمەۋدە.
مەملەكەت باسشىسى جولداۋىندا وسىنداي قيىندىقتا قالعان وتاندىق ءونىم وندىرۋشىلەرگە جان-جاقتى قولداۋ كورسەتىلەتىنىن ايتتى. ول ءۇشىن ۇكىمەت پەن «اتامەكەن» ۇلتتىق كاسىپكەرلەر پالاتاسىنا ناقتى مەحانيزم قالىپتاستىرۋ جونىندە تاپسىرما بەرىلدى. سونداي-اق پرەزيدەنت كاسىپكەرلەرگە كەدەرگى كەلتىرۋ وتە اۋىر قىلمىس رەتىندە قارالاتىندىعىن دا جەتكىزدى. بۇل رەتتە ارنايى نورماتيۆتىك قۇجات ازىرلەنبەك. كاسىپ يەلەرى ءۇشىن ەڭ ۇلكەن جاڭالىق – پاندەمياعا وراي ناۋرىز ايىنان باستاپ ەڭ زارداپ شەككەن بيزنەس وكىلدەرىنىڭ قولدانىستاعى نەسيەسى سۋبسيديالاناتىن بولدى.
ءبىزدىڭ ءوڭىر اۋىل شارۋاشىلىعى باعىتىنداعى ايماق بولعان سوڭ شاعىن شارۋاشىلىقتاردى كووپەراتسيالارعا بىرىكتىرۋدى بەلسەندى جۇرگىزۋ كەرەك دەگەن ۇسىنىس كوڭىلدەن شىقتى. سونداي-اق الداعى ۋاقىتتا اگروونەركاسىپتى دامىتۋعا ارنالعان 5 جىلدىق مەملەكەتتىك باعدارلاما قابىلداناتىنى دا قۋانتادى.
عالىمبەك جاقسىلىقوۆ,
قىزىلوردا وبلىستىق كاسىپكەرلەر پالاتاسىنىڭ ديرەكتورى
