قۋانىشى دا, قيىندىعى دا ورتاق ەل

“قىرعىز” دەگەندە, ار جاعىندا “اعايىن” دەگەن ءسوز ەرىكسىز قوسار­لانىپ تۇرادى. “توسەكتە – باسىمىز, توسكەيدە – مالىمىز قوسىلعان” حالىق­پىز. كوڭىل جاقىن بولعان سوڭ, قۋا­نىشتىڭ دا, قيىندىقتىڭ دا ورتاق بولاتىنى بەلگىلى. كەزىندە قىرعىز اعايىندار تاۋەلسىزدىگىن جاريالادى دەپ قۋاندىق, وسىدان بەس جىل بۇرىن جانە كۇنى كەشە بيلىك ءۇشىن كۇرەستىڭ سالدارىنان ەلدە قانتوگىس بولعاندا كوڭىلىمىز قابارعان. اعايىن ەلدەگى وقيعاعا بايلا­نىس­تى ءارتۇرلى پىكىرلەر ايتىلىپ جاتىر. اركىمنىڭ ءوز پىكىرى بار دەسەك تە, ونى پاراساتتىلىقپەن پايىمداعان ءجون بولار. “حالىقتىڭ ءتوزىمى تاۋسىلدى, ءوزى كوتەرىلدى” دەپ ەلدە بولعان قان­توگىستى, وسى وقيعا كەزىندەگى توناۋ­شى­لىق, ۇرلىق-قارلىق, بۇزاقىلىقتىڭ بارلىعىن حالىققا جابا سالۋ قيىن, كوتەرىلىستىڭ نەگىزىندە حالىقتىڭ الەۋ­مەتتىك جاعدايى جاتتى دەگەنمەن, قان­توگىسكە اپارىپ تىرەگەن بيلىككە تالاسۋشىلاردىڭ مامىلەگە كەلمەۋى, ەڭ الدىمەن ارانداتۋشىلىق ارەكەت­تەرى, حالىقتىڭ قولىمەن وت كوسەۋى ەكەنى داۋسىز. ەندى بىرەۋلەر سىرتقى فاكتوردى العا توسادى. ءتىپتى رەسەي اقپارات قۇ­رال­دارى قىرعىزستاننىڭ بۇرىنعى پرە­زيدەنتى اسقار اقاەۆتىڭ اۋزىنا: “بۇل حالىقتىڭ امەريكامەن جاقىن­دا­سۋعا قارسىلىعى”, دەگەن ءسوز سالۋى دا ساياسات ساۋداسىنىڭ كورىنىسى. وقي­عاعا كورىنەۋ كوزگە تەرىس باعا بەرۋ قي­ىن­دىقتان شىعۋعا قىرسىعىن تيگىزەدى. ءبىر ەلدى ەكىنشىسىنە قارسى قويۋ جاق­سىلىققا اپارمايدى. قىرعىز ەلى ءۇشىن ءدال قازىر الەمدىك قوعامداس­تىق­پەن, بارلىق ەلدەرمەن ءتىل تابىسۋ ايرىقشا ماڭىزدى. اعايىن ەلدەگى جاعدايعا ءبىزدىڭ ءار­قاي­سىمىزدىڭ, ەلىمىزدىڭ كوزقاراسى ءار­تۇرلى بولۋى مۇمكىن. بىراق وسىناۋ تۋىسقان ەلگە ءدال قازىر ەڭ كەرەگى – اعايىندىق اق كوڭىلمەن قامقور قو­لىمىزدى ۇسىنۋ. بۇرىن دا ءبىزدىڭ ءبىر-بىرىمىزگە ۇلكەن داۋىمىز بولا قويعان جوق. شەكارامىز قالىپتى, بارىس-كەلىسىمىز اشىق بولاتىن. اعايىننىڭ قيىندىققا كەزىككەن كەزىندە ەسىكتىڭ اشىلا تۇسكەنى ارتىق ەمەس. قىرعىز رەسپۋبليكاسى دەربەس مەم­لەكەت, ءوز ماسەلەسىن ءوزى شەشۋى كەرەك دەگەن پىكىر دە ايتىلىپ قالىپ جاتىر. ال سول ەلدىڭ ىشىندەگى ءبىر ءما­سە­لەنىڭ شەشىلۋىنە اعايىننىڭ ارا­لا­سۋى قاجەت بولسا, ودان ىركىلىپ قالۋ­دىڭ دا ءجونى جوق. قايتا ارااعاي­ىن­دىققا ءجۇرۋ پارىز. ەلىمىز – ەقىۇ-نىڭ توراعاسى, باسقا دا حالىقارالىق ۇيىمداردا بەدەلى بار. سونى پاي­دا­لانىپ تا وتپەلى كەزەڭدە تۇرعان قىر­عىز ەلىنىڭ حالىقارالىق قاۋىمداس­تىق­تارمەن ارالاسۋىنا  جاعداي جاساپ جاتساق, ول اعايىندى كوڭىلىمىزدىڭ كو­رى­نىسى بولار ەدى. اعايىننىڭ قيىن­دى­عى – اعايىنعا سىن. ماماديار جاقىپ.