فوتو: istockphoto.com
كەزدەسۋ بارىسىندا ينۆەستورلار ەكى جوبانى تانىستىردى. اتاپ ايتقاندا, ەتنو-تۋريستىك «كوشپەندىلەر قالاسى» كەشەنىنىڭ تۇجىرىمداماسى جانە كەگەن اۋدانىنداعى «قارا شاتقال» تۋريستىك ايماعىندا اسپالى اينەك كوپىر سالۋ جوباسى ۇسىنىلدى.
«ASK Capital» جشس الماتى وبلىسىنىڭ تۋريستىك الەۋەتىن دامىتۋعا جانە ىشكى ءارى شەتەلدىك تۋريستەر ءۇشىن جاڭا تارتىمدى نىسان قالىپتاستىرۋعا باعىتتالعان اسپالى اينەك كوپىر جوباسىن تانىستىردى. جوبانىڭ جالپى قۇنى – 1,5 ملرد تەڭگە. قۇرىلىس كەزەڭىندە 120 ۋاقىتشا جۇمىس ورنى, ال نىسان پايدالانۋعا بەرىلگەننەن كەيىن 58 تۇراقتى جۇمىس ورنى اشۋ جوسپارلانعان. جوبانى ىسكە اسىرۋ مەرزىمى 2025-2026 جىلدار. تولىق ىسكە قوسىلعاننان كەيىن نىسان جىلىنا 400-600 مىڭ تۋريست قابىلداي الادى.
الماتى وبلىسىندا مەكتەپتەگى قۇرىلىس ولقىلىقتارى باقىلاۋعا الىندى
2024 جىلى اۋداندىق بيۋدجەت ەسەبىنەن 57 ملن تەڭگە كولەمىندە ەلەكتر جەلىلەرىن تارتۋ جۇمىستارى جۇرگىزىلىپ, پايدالانۋعا بەرىلدى. قازىرگى تاڭدا اۆتوتۇراق پەن پاۆيلون قۇرىلىسىنا ارنالعان الاڭدى دايىنداۋ جانە تەگىستەۋ بويىنشا جۇمىستار اياقتالعان. جوبا باستاماشىسىنىڭ مالىمەتىنشە, قازىرگى ۋاقىتتا جوبالىق-سمەتالىق قۇجاتتاما مەملەكەتتىك ساراپتامادان ءوتىپ جاتىر. ساراپتاما قورىتىندىسى الىنعاننان كەيىن قۇرىلىس-مونتاج جۇمىستارى باستالماق.
سونداي-اق كەزدەسۋ بارىسىندا كوشپەلى وركەنيەتتىڭ تاريحي-مادەني مۇراسىنا نەگىزدەلگەن, ءوڭىردىڭ تۋريستىك الەۋەتىن كەشەندى دامىتۋعا باعىتتالعان «كوشپەندىلەر قالاسى» جوباسى تانىستىرىلدى. جوبا ينۆەستوردىڭ 100% جەكە قاراجاتى ەسەبىنەن جۇزەگە اسىرىلادى.
بولجام بويىنشا, ەتنو-تۋريستىك كەشەن جىلىنا 150 مىڭعا دەيىن تۋريست قابىلداي الادى. قۇرىلىس كەزەڭىندە 120-عا دەيىن جۇمىس ورنى, ال پايدالانۋ ساتىسىندا 80 تۇراقتى جۇمىس ورنى اشىلادى. كەشەننىڭ جوبالىق قۋاتتىلىعى – تۋريستىك ماۋسىمنىڭ شارىقتاۋ كەزەڭىندە كۇنىنە 2 مىڭ ادامعا جەتەتىن بولادى.
كەزدەسۋ سوڭىندا بايلانىس جەلىلەرى مەن تەلەكوممۋنيكاتسيالىق ينفراقۇرىلىمعا قولجەتىمدىلىكتىڭ جوقتىعى سەكىلدى بىرقاتار وزەكتى ماسەلەلەر تالقىلاندى. الماتى وبلىسىنىڭ اكىمى ءتيىستى مەملەكەتتىك ورگاندارعا قولدانىستاعى زاڭناما اياسىندا اتالعان ماسەلەلەردى شەشۋ جولدارىن پىسىقتاۋدى تاپسىردى.
الماتى وبلىسى
