ەستىمەگەن ەلدە كوپ. بۇل ءتاسىلدى كاتونقاراعاي اۋدانى, قايىڭدى اۋىلىنىڭ تۇرعىنى ارمان شاياحمەتوۆ قولدانىپ وتىر. ول ءۇيىنىڭ سىرتقى قابىرعاسىنا كولدەنەڭدەي قاعىلعان سامىرسىننىڭ جىڭىشكە بۇتاعىنا جان-تانىمەن سەنەدى. سەنبەگەندە, ءبىر رەت تە الداپ كورمەگەن ەكەن.
سوندا قالاي بولجايدى دەيسىز عوي. كادىمگى قۋراپ قالعان اعاش بەلگىلەپ قويعان مولشەردەن كوتەرىڭكى تۇرسا, كۇن اشىق بولادى, ال اسپاندى الا بۇلت تورلاپ, كۇن جاۋا قويمايتىنداي بولسا, الگى اعاش ورتاعا قاراي تۇسەدى ەكەن. ءيىلىپ تومەن تۇسسە, ەكى كۇننەن كەيىن جاڭبىر قۇياتىن كورىنەدى.
كەي-كەيدە كوكتەن جاڭبىر تىلەگەن اۋىلدىقتار «كەلىن سالەم سالىپ تۇر ما؟» دەپ ازىلدەپ تە قويادى.
كۇن رايىن بۇلاي بولجاۋدى ارمان شاياحمەتوۆ باياعى زاماندا وسى اۋىلداعى كونەكوز ورمانشىنىڭ ۇيىنەن كورىپتى. ال ءوز ءۇيىنىڭ قابىرعاسىنا كەيىن عانا ورناتقان. العاشىندا كەزدەيسوقتىق شىعار دەپ ەكى جاقتاعى قابىرعاعا ەكى شىبىق قاعىپ تاستاپتى. ءبىر قىزىعى, ەكەۋى ءبىر ۋاقىتتا بىردەي كوتەرىلىپ, بىردەي تۇسەدى. مۇنى كورگەن كورشى اۋىلدىڭ ورمانشىلارى دا وسى ادىسپەن اۋا رايىن بولجاپ ءجۇر قازىر.
بىراق قۋراعان سامىرسىندا تابيعاتتىڭ قانداي تىلسىم سىرى بار ەكەنى بەيمالىم.
شىعىس قازاقستان وبلىسى
