كەڭەس بارىسىندا تاراپتار بىرقاتار ماسەلەلەرمەن قاتار جۇيەدە تىركەلمەگەن ستۋدەنتتەر جايى ءسوز بولدى.
ونلاين-كەزدەسۋدىڭ قورىتىندىسى بويىنشا امسق الماتى قالاسىنىڭ قوعامدىق دامۋ باسقارماسىمەن بىرلەسىپ, ءمامس جۇيەسىندە ساقتاندىرىلماعان ستۋدەنتتەردى جەدەل تىركەۋ ءۇشىن قالالىق جوعارى وقۋ ورىندارىنا جان-جاقتى قولداۋ جانە كومەك كورسەتۋ تۋرالى شەشىم قابىلداندى.
سونداي-اق, تالقىلاۋ ناتيجەسىندە ءار وقۋ ورنىندا پرورەكتورلار دەڭگەيىندە جاۋاپتى تۇلعالاردى تاعايىنداۋ تۋرالى كەلىسىمگە قول جەتكىزىلدى, ولار مەديتسينالىق ساقتاندىرۋ جۇيەسىندە ستۋدەنتتەردىڭ تىركەلۋى مەن مونيتورينگىنە جاۋاپ بەرەدى.
قازاقستاندا مىندەتتى مەديتسينالىق ساقتاندىرۋ جۇيەسى رەسمي تۇردە 2020 جىلدىڭ 1 قاڭتارىندا ەنگىزىلگەنى بەلگىلى. اعىمداعى جىلدىڭ 1-شi ساۋىرىنە دەيىن بارلىق قازاقستاندىقتار شارتتى تۇردە ساقتاندىرىلعان بولىپ سانالدى, سوندىقتان مەديتسينالىق ساقتاندىرۋ قورىنا اۋدارىمدارعا قاراماستان قىزمەتتەر الا الدى. ءبىرىنشى كارانتيننىڭ ەنگىزىلۋىمەن ناۋرىز ايىندا جەڭىلدىك كەزەڭى ۇزارتىلىپ, وسى جىلدىڭ 1 شىلدەسىندە اياقتالادى.
ستۋدەنتتەر مەملەكەت ءمامس جارنالارىن تولەيتىن 15 جەڭىلدىك ساناتىنا جاتادى.
الدىمەن ساقتاندىرۋ مارتەبەسىن Saqtandyrybot Telegram-بوتىنىڭ كومەگىمەن جسن كورسەتۋ ارقىلى تەكسەرۋگە بولادى.
"مەديتسينالىق قىزمەتتەردى تۇتىنۋشى" مارتەبەسىن الۋ ءۇشىن جەڭىلدىكتى ساناتتارعا جاتاتىن تۇلعا, ءبىزدىڭ جاعدايدا ستۋدەنت نەمەسە ونىڭ زاڭدى وكىلى قورعا Qoldau 24/7 ءموبيلدى قوسىمشاسى ارقىلى راستايتىن قۇجاتتاردىڭ تۇپنۇسقاسىنىڭ سكانەرلەنگەن كوشىرمەلەرىن ۇسىنادى.
ستۋدەنتتەرگە قوسىمشادا قالاي تىركەلۋگە بولادى؟
- AppStore نەمەسە Play Market-تەن Qoldau 24/7 قوسىمشاسىن جۇكتەۋ.
- ەلەكتروندىق مەكەن-جايىن, تەگىن, اتىن جانە بايلانىس تەلەفونىن كورسەتكەننەن كەيىن جۇيەگە تىركەلۋ.
- تىركەلگەننەن كەيىن تومەنگى وڭ جاق بۇرىشتاعى «بىزگە جازىڭىز» تۇيمەسىن پايدالانۋ.
ورتا, تەحنيكالىق جانە كاسىپتىك, ورتا بىلىمنەن كەيىنگى, جوعارى ءبىلىم بەرۋ, سونداي-اق جوعارى وقۋ ورنىنان كەيىنگى ءبىلىم بەرۋ ۇيىمدارىندا كۇندىزگى وقۋ نىسانى بويىنشا وقيتىن ادامدار ورتا, تەحنيكالىق جانە كاسىپتىك, ورتا بىلىمنەن كەيىنگى, جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمىنان انىقتامانى تىركەۋى قاجەت. حابارلاما ماتىنىندە جسن, سونداي-اق جەڭىلدىك ساناتى كورسەتىلۋى قاجەت.
Qoldau 24/7 قوسىمشاسىندا ءوتىنىم بەرىلگەننەن كەيىن قور "Saqtandyry" اج-دا, سونداي-اق مەملەكەتتىك ورگانداردىڭ وزگە دە اقپاراتتىق جۇيەلەرىندە ادامداردىڭ جەڭىلدىكتى ساناتقا جاتاتىنىن بەلگىلەۋ جانە ولارعا "مەديتسينالىق قىزمەتتەردى تۇتىنۋشى" مارتەبەسىن بەرۋ ءۇشىن قامتىلعان قۇجاتتاردى سالىستىرىپ تەكسەرۋدى جۇرگىزەدى.
