ايماقتار • 03 قىركۇيەك، 2020

اقتوبەدە 319 ينتەرنەت الاياقتىق فاكتىسى انىقتالدى

101 رەت كورسەتىلدى

جىل باسىنان بەرى اقتوبە وبلىسىندا اقپاراتتىق جۇيەلەردى پايدالانۋ ارقىلى جاسالعان الاياقتىقتىڭ 319 فاكتىسى تىركەلدى. بۇل تۋرالى ءىىم ءباسپاسوز قىزمەتىنە Egemen.kz سىلتەمە جاساپ حابارلايدى.

سوڭعى ۋاقىتتا اقتوبە وبلىسى اۋماعىندا ينتەرنەت جەلىلەرىندە جاسالاتىن الاياقتىق  جاعدايلارى جيىلەپ كەتتى، الاياقتار ءوز قۇرباندارىنىڭ بانكتىك شوتتارى مەن كارتوچكالارىن پايدالانعان. قر قىلمىستىق كودەكسىنىڭ 190-بابى 4-تارماعى 2-بولىگىندە اقپاراتتىق جۇيەنى پايدالانۋشىنى الداۋ نەمەسە سەنىمگە قيانات جاساۋ ارقىلى الاياقتىق ءۇشىن قىلمىستىق جاۋاپكەرشىلىك كوزدەلگەن.

– جىل سايىن الاياقتار الداۋدىڭ جانە ازاماتتاردان اقشا الۋدىڭ بارعان سايىن كۇردەلى ادىستەرىن قولدانادى. ەگەر بۇرىن الاياقتار تەلەفون ارقىلى قوڭىراۋ شالىپ، پوليتسيا قىزمەتكەرى بولىپ تانىسسا، ۇستالعان ازامات ءۇشىن اقشا تالاپ ەتسە، قازىر الاياقتىق جاڭا ينتەرنەت تەحنولوگيالارىن پايدالانىپ، ونلاين نەسيە راسىمدەي وتىرا، جاسالادى، – دەيدى اقتوبە وبلىستىق پد باستىعى اتىعاي ارىستانوۆ.

تامىز ايىنىڭ سوڭىندا اقتوبە قالاسىنىڭ تۇرعىنى پوليتسياعا شاعىمىمەن حابارلاسقان. ونىڭ ايتۋىنشا، الاياقتار "balzhan aqsha halykka" پاراقشاسىمەن “Instagram” الەۋمەتتىك جەلىسىن پايدالانىپ، اقشا قاراجاتىن ەكى ەسە كوبەيتۋ سىلتاۋىمەن 15 مىڭ تەڭگە سوماسىنداعى اقشانى يەمدەنىپ العان. قىز Kiwi ءاميانى ارقىلى اقشا اۋدارعان.

سونداي-اق، ينتەرنەت الاياقتىق جاساعانى ءۇشىن جەدەل-ىزدەستىرۋ ءىس-شارالارىن جۇرگىزۋ بارىسىندا كيبەرقىلمىسپەن كۇرەس توبىنىڭ قىزمەتكەرلەرى 21 جاستاعى جىگىتتى ۇستادى، ول Instagram الەۋمەتتىك جەلىسى ارقىلى اقشا قاراجاتىن جىلجىتۋ سىلتاۋىمەن بىرنەشە رەت ينتەرنەت الاياقتىقپەن اينالىسقان، پاراقشادا WhatsAرp مەسسەندجەرىنە تىركەلگەن نومىرلەر ارقىلى ازاماتتارعا تىكەلەي حابارلاساتىن بولعان.

اقشا ءارتۇرلى "Kiwi ءامياندارىنا" جانە Kaspi Gold تولەم كارتاسىنا اۋدارىلدى. كۇدىكتىنىڭ قر ءتۇرلى وڭىرلەرىنەن كەلگەن 15-تەن استام الاياقتىق فاكتىسىنە قاتىستىلىعى انىقتالدى. كۇدىكتى اقتوبە قالاسىنىڭ ۋۇي-نا قامالدى. وبلىس پد باستىعى ا. ارىستانوۆتىڭ ايتۋىنشا، ءبىزدىڭ ازاماتتارىمىزدىڭ باستى ماسەلەسى – ولاردىڭ سەنىمدى جانە تەز ءارى وڭاي بايۋعا ۇمتىلىسى.

وسىعان بايلانىستى، ازاماتتارعا قىراعى بولۋ جانە جەكە اقپاراتپەن، ونىڭ ىشىندە بانك كارتالارىنىڭ نومىرلەرى، پين-سمس-كودتار تۋرالى اقپاراتپەن بولىسپەۋ جانە اقشانىڭ تەز ءوسۋى تۋرالى الدامشى ۇسىنىستارعا سەنبەۋ قاجەتتىگى تۋرالى كەڭەس بەرەمىز. كۇدىكتى SMS، قوڭىراۋلار، سونداي-اق الەۋمەتتىك جەلىلەر مەن ينتەرنەتتە تارتىمدى ۇسىنىستار تۇسكەن جاعدايدا دەرەۋ پوليتسياعا حابارلاسىڭىز نەمەسە بانكتەگى شوتتارىڭىز بەن نەسيە تاريحىڭىزدى تەكسەرىڭىز.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار