"سوڭعى ەكى-ءۇش كۇندە ءموبيلدى بريگادالارعا ۆيرۋستىق اۋرۋلار دياگنوزى قويىلعان بالالار بويىنشا ءجيى قوڭىراۋ تۇسە باستاعان", - دەدى التاي تورەباەۆ.
ايماق باسشىسى بۇل جاعدايعا تالداۋ جۇرگىزۋدى تاپسىردى.
"بالالار قانداي بالاباقشالاردان جانە اۋرۋحاناعا ءتۇسۋ سەبەبىن انىقتايمىز. بالكىم, بۇل ورتانىڭ وزگەرۋى نەمەسە گيپوتەرميا ناتيجەسى بولۋى مۇمكىن. انىقتاپ, تەز شەشىم قابىلداۋ قاجەت. بالالاردىڭ قاۋىپسىزدىگى مەن دەنساۋلىعى وتە ماڭىزدى", - دەدى ابىلقايىر سقاقوۆ,
سونداي-اق ەمحانانىڭ باس دارىگەرى №1 ەمحانانىڭ جانىندا جوسپارلانىپ وتىرعان بالالار ەمحاناسىن سالۋ جايلى باياندادى.
"ەمحانانىڭ اۋماعى كەڭ, قۇرىلىس ورنى رەتىندە نەگىزگى عيماراتتىڭ جانى تاڭدالعان. جاڭا ءتورت قاباتتى كەشەن قۇرىلىسىنىڭ باستالۋىنا جىلۋمەن قامتاماسىز ەتۋ ماسەلەسى كەشىكتىرىپ وتىر", - دەدى ول.
ءوڭىر باسشىسى ابىلقايىر سقاقوۆ اق جەلەڭدىلەردىڭ يدەياسىن قولداپ, كومەك كورسەتۋگە ۋادە بەردى.
پاتسيەنتتەردى قابىلداۋدى ۇيىمداستىرۋمەن تانىسۋ بارىسىندا وبلىس اكىمى ولارعا تەگىن بەرىلەتىن دارىلەردىڭ تىزبەسىن ءاردايىم بىلە بەرمەيتىندىگىنە جانە ولاردى ءدارىحانادان ساتىپ الاتىندارىنا نازار اۋداردى.
بۇل رەتتە ايماق باسشىسى ۇسىنىلعان كەڭ اۋقىمدى ءتىزىمنىڭ ورنىنا كورنەكى ناسيحات جۇمىستارىن جۇرگىزۋگە كەڭەس بەردى.
