"2020 جىلدىڭ 3 قىركۇيەگىندەگى جاعداي بويىنشا ولار 2 954 بىرەگەي تۇتىنۋشىعا 3 182 وفلاين-قىزمەت كورسەتتى. سونداي-اق, 545 ونلاين - قىزمەت كورسەتىلدى, ونىڭ ىشىندە بىرەگەي تۇتىنۋشىلار سانى 411 ادامدى قۇرادى", دەدى الماتى قالاسى كاسىپكەرلەر پالاتاسى كاسىپكەرلىكتى قارجىلاي ەمەس قولداۋ ءبولىمىنىڭ باسشىسى اسكەربەك ناسامباەۆ.
بۇگىنگى تاڭدا الماتى قالاسىنىڭ كاسىپكەرلەرگە قىزمەت كورسەتۋ ورتالىعىندا سەرۆيستىك قولداۋ بويىنشا 29 مەنەدجەر - كەڭەسشى جۇمىس جاسايدى.
وندا كاسىپكەرلەر كەلەسى قىزمەتتەردىڭ تۇرلەرىن الا الادى:
- بۋحگالتەرلىك جانە سالىقتىق ەسەپكە الۋدى جۇرگىزۋگە, سونداي-اق ستاتيستيكالىق ەسەپتەردى جاساۋعا بايلانىستى قىزمەتتەر;
- زاڭ قىزمەتىن كورسەتۋ;
- ماركەتينگ ماسەلەلەرى بويىنشا قىزمەتتەر;
- مەملەكەتتىك ساتىپ الۋمەن, ۇلتتىق كومپانيالار مەن جەر قويناۋىن پايدالانۋشىلاردىڭ ساتىپ الۋىمەن بايلانىستى قىزمەتتەر;
- وتاندىق تاۋار وندىرۋشىگە وندىرىلەتىن ءونىمدى وتكىزۋگە جاردەمدەسۋ بويىنشا كونسۋلتاتسيالىق قىزمەتتەر;
- ەلەكتروندىق-تسيفرلىق قىزمەتتەردى ۇسىنۋ بويىنشا كونسۋلتاتسيالىق قىزمەتتەر.
