"بالالارعا قاتىستى جۇرگىزىلەتىن پروفيلاكتيكالىق جۇمىستار كارانتيندىك تالاپتارعا بايلانىستى توقتاتىلدى. ەندى بۇنى ۇستازدارمەن بىرلەسىپ قايتا جانداندىرماقپىز", دەيدى سقو پد باستىعىنىڭ ءبىرىنشى ورىنباسارى پوليتسيا پولكوۆنيگى قانات ايتباەۆ.
– "جولداعى, كوشەلەردەگى بالالاردىڭ ءتارتىبىن بويعا ءسىڭىرۋ وتباسىندا اتا-انالاردىڭ وزدەرىمەن قولعا الىنۋى قاجەت. بۇلدىرشىندەر ەرەسەكتەرگە قاراپ بوي تۇزەيدى. اتا-انالار وزدەرىنىڭ عانا ەمەس, بالالارىنىڭ دا دەنساۋلىعى مەن ومىرلەرىن قاتەرگە تىگىپ, جول ءجۇرىسى قاعيدالارىن بۇزىپ جاتادى", دەدى ول.
اتا-انالاردىڭ وزدەرى جول ءتارتىبىن بۇزاتىن وقيعالار دا كوپ. ماسەلەن, پەتروپاۆلدا 2 قىركۇيەك كۇنى جامبىل كوشەسىندە پاترۋلدىك پوليتسەيلەر ەكى بالاسىن جەتەكتەپ رۇقسات ەتىلمەگەن جەردەن كوشەنى كەسىپ جۇگىرىپ وتپەك بولعان ايەلدى توقتاتتى. پوليتسەيلەردىڭ ايتۋلارىنشا, جاۋاپكەرشىلىككە تارتىلۋى ول ءۇشىن ساباق بولۋى ءتيىس. ويتكەنى بالالارىنىڭ قاۋىپسىزدىگىن ءار اتا-انا ارتىننەن ويلاۋى ءتيىس.
جىل باسىنان وبلىس جولدارىندا كامەلەتكە تولماعان بالالاردىڭ قاتىسۋىمەن 16 جول-كولىك وقيعاسى تىركەلدى. ءبىر بالا قايتىس بولىپ, 20-سى دەنە جاراقاتتارىن الدى. كوپ جاعدايدا زارداپ شەككەن بالالار – جاياۋ جۇرگىنشىلەر بولعان. مۇنداي 9 فاكتى تىركەلدى. جالپى وبلىس جولدارىندا 17 جاياۋ جۇرگىنشى كوز جۇمىپ, 150-ءى جاراقاتتار العان.
8 ايدىڭ ىشىندە سولتۇستىك قازاقستان وبلىسىنىڭ جولدارىندا جول ءجۇرىسى قاعيدالارىنىڭ ءتۇرلى 30608 بۇزۋشىلىعى تىركەلدى. ولاردىڭ ءاربىر ونى جاياۋ جۇرگىنشىلەردىڭ كىناسىنەن بولعان.
