سونداي-اق, الماتى قالاسى اكىمىنىڭ تاپسىرماسى بويىنشا كەلەر جىلى الاتاۋ جانە ناۋرىزباي اۋداندارىندا وقۋشىلار سارايلارىنىڭ قۇرىلىسىن باستاۋ جوسپارلانعان. الاتاۋ اۋدانىندا 5 سپورتتىق-ساۋىقتىرۋ كەشەنى, تەننيس ورتالىعىن سالىنادى. جەتىسۋ اۋدانىندا شىعىس جەكپە-جەگىنىڭ 4 سپورت كەشەنى سالىندى, وندا بالالار تەگىن جاتتىعۋلار جاسايدى. سونىمەن قاتار, ءمجا اياسىندا جەكە ينۆەستيتسيالار ەسەبىنەن 12 مەكتەپتىڭ سپورت الاڭدارى قايتا جاڭعىرتىلدى. مادەنيەت سالاسىندا ورتالىقتاندىرىلعان كىتاپحانا جۇيەسىنىڭ 10 سالالىق كىتاپحاناسى جاڭاردى.
"مەكتەپتەردە جۇمىس قالپىنا كەلتىرىلگەننەن كەيىن 9560 ءتۇرلى ۇيىرمەلەر مەن سپورتتىق سەكتسيالار جۇمىس ىستەيدى, ولار 200 مىڭنان استام بالانى قامتيدى. بالالاردىڭ قول جەتىمدى قوسىمشا ءبىلىم الۋى ءۇشىن مەملەكەتتىك تاپسىرىستى تەك مەكتەپتەر عانا ەمەس, سونىمەن قاتار جەكە سەكتورلاردا دا الاتىن بولادى", دەدى ب.ساعىنتاەۆ.
قالا تۇرعىندارىنىڭ سۇراقتارىنا جاۋاپ بەرە وتىرىپ, قالا اكىمى جەتىسۋ اۋدانى اينابۇلاق-2 ەلدى مەكەنىندەگى "شىڭعا ورلەۋ" الەۋمەتتىك كلۋبىنىڭ جوباسى تۋرالى ايتتى. بۇل جوبانىڭ اۋقىمى كەڭەيتىلىپ, باسقا اۋدانداردا وسىنداي تاعى ءۇش كلۋب اشىلادى.
