وتكەن جىلى "JasylAlmaty" كوگالداندىرۋ ناۋقانىنىڭ باستالعانى بەلگىلى, ونىڭ اياسىندا "ميلليون" اعاش وتىرعىزۋ مىندەتى قويىلعان بولاتىن. ەڭ الدىمەن, جاسىلداندىرۋ جاڭا الماتىنىڭ ەلدى مەكەندەرىندە - الاتاۋ جانە ناۋرىزباي اۋداندارىندا باستالدى.
كۇزگى ماۋسىمدا 250 مىڭعا جۋىق جاسىل جەلەك وتىرعىزۋ جوسپارلانعان. اعاش وتىرعىزىلاتىن اۋماقتىڭ جالپى كولەمى 452,6 گەكتاردى قۇرايدى. قالا بولگەن قاراجات ەسەبىنەن 222 مىڭ اعاش كوشەتىن وتىرعىزۋ جوسپارلانعان, ونىڭ 218 مىڭى جاپىراقتى جانە 4 مىڭى قىلقان جاپىراقتى. (الاتاۋ اۋدانى - 176 مىڭ, ناۋرىزباي - 5,5 مىڭ, تۇركسىب - 40 مىڭ اعاش).
دەندرولوگ, اگرونوم, پيتومنيك ساراپشىلارمەن بىرگە اعاش وتىرعىزىلاتىن الاڭدارى تالقىلاندى, تۇقىم قۇرامى جاسالدى. اعاش وتىرعىزۋ اعىمداعى جىلدىڭ قىركۇيەك ايىنىڭ سوڭىنان قاراشانىڭ ورتاسىنا دەيىن جۇزەگە اسىرىلادى.
ب. ساعىنتاەۆ 2030 جىلعا دەيىنگى الماتىنى جاسىلداندىرۋ ستراتەگياسىن ازىرلەنۋى تۋرالى حابارلادى, ونىڭ اياسىندا 10 جىلعا ارنالعان دەندرولوگيالىق جاسىلداندىرۋ جوسپارى قابىلدانادى. مۇندا بولاشاقتا اعاش وتىرعىزىلاتىن ورىندار, جاڭا جاسىل ايماقتار (قۇدىقتار, سۋارمالى ارىقتار), سۋارۋ وزەندەرى مەن سۋارۋ تۇرلەرى انىقتالادى, اعاشتار مەن بۇتالاردىڭ تۇرلەرى كورسەتىلەدى.
جالپى, الماتىدا 2,352 ميلليونعا جۋىق اعاش بار, بىراق ولاردىڭ تەك 1,8 ميلليونى عانا زيان شەكپەگەن نەمەسە 76,5 پايىز. سالىستىرمالى تۇرعىدا قالاداعى ەڭ جاسىل ايماق - مەدەۋ اۋدانى, مۇندا 472 مىڭنان استام اعاش بار. ال ناۋرىزباي مەن الاتاۋ اۋداندارىندا - سايكەسىنشە 202 مىڭ جانە 179 مىڭ اعاشتار. جاسىلداندىرۋ بويىنشا ەكىنشى ورىندا تۇركسىب اۋدانى تۇر, مۇنداعى اعاش سانى - 431,5 مىڭ. بوستاندىق اۋدانى العاشقى ۇشتىكتى جابادى - شامامەن 380 مىڭ اعاش بار. اۋەزوۆ اۋدانىنداعى اعاش سانى 255 مىڭعا جۋىق, جەتىسۋدا 220 مىڭ, المالىدا 213 مىڭ اعاش بار.
الاتاۋ اۋدانداعى قاراسۋ ىقشاماۋدانىنداعى وسى اتتاس وزەن بويىنا ۇلكەن ساياباق اۋماعى سالىنۋدا. وزەننىڭ ءبىر جاعالاۋىنا جاياۋ جۇرگىنشى ايماعى جاسالىپ, ورىندىقتار قويىلادى, ال بوس جاتقان جەر مەن بۇرىنعى مادەنيەت ءۇيىنىڭ ورنىندا رەكرەاتسيالىق ايماق بوي كوتەرەدى. قوعامدىق ايماقتا ەكى جازعى امفيتەاتر, ويىن الاڭى, تروتۋار جانە سەرۋەندەيتىن بولىگى بار دەمالىس ايماعى بولادى. ىقشاماۋداننىڭ تۋرا ورتاسىندا فۋتبول وينايتىن سپورت الاڭى سالىنادى. بۇل كەڭىستىكتەردىڭ بارلىعى جاياۋ جۇرگىنشى جولدارىنا, سونداي-اق شىركەۋ جانە وزەن بويىنداعى جاعاجايعا جالعاسادى.
ايتا كەتەرلىگى, ونەركاسىپتىك جەتىسۋ اۋدانىندا قوعامدىق كەڭىستىكتىڭ تاپشىلىعى وزەكتى ماسەلەلەردىڭ ءبىرى بولاتىن. بيىل جاسىلداندىرۋ بويىنشا اۋقىمدى جۇمىستار جۇرگىزىلۋدە. اۋداننىڭ بارلىق شاعىن ەلدى مەكەندەرىندە 12 الاڭ اباتتاندىرىلدى, ونىڭ ۇشەۋى دايىن, قالعاندارى قىركۇيەك ايىندا پايدالانۋعا بەرىلەدى.
