ايتۋلى جارىستا قازاقستان قۇراماسى 5 توپتا ونەر كورسەتەدى. ءبىزدىڭ جىگىتتەر يزرايل مەن كيپر كەزدەسۋىنىڭ جەڭىمپازى جانە بەلارۋس پەن ۆەنگريا فۋتزالشىلارىمەن شەبەرلىك بايقاسادى. 2020 جىلدىڭ قاراشاسى مەن 2021 جىلدىڭ ءساۋىر ارالىعىندا وتەتىن بۇل باسەكەلەر ەۋرو دوداسىنا قاتىساتىن كوماندالاردى انىقتايدى. ال قارت قۇرلىقتىڭ باستى جارىسى 2022 جىلدىڭ 9 قاڭتارى مەن 6 اقپانى ارالىعىندا نيدەرلاندتىڭ امستەردام مەن گرونينگەن قالالارىندا ۇيىمداستىرىلادى.
ەستەرىڭىزگە سالا كەتەيىك, جەرلەستەرىمىز ەۋروپا چەمپيوناتىنا ءۇشىنشى مارتە قاتىسقالى وتىر. 2016 جىلى سەربيادا وتكەن جارىستا قازاقستاندىقتار قولا مەدالدى يەلەنسە, 2018 جىلى سلوۆەنياداعى سايىستا ءتورتىنشى ورىنعا تابان تىرەدى.
