وبلىس ورتالىعىنداعى اۋا ساپاسىن باقىلايتىن 4 بەكەت بار. ونىڭ ەكەۋى اۋا قۇرامىنداعى زياندى زاتتاردى اۆتوماتتى تۇردە انىقتايدى. بەكەتتەردىڭ ارقايسىسى اينالاسى 5 شاقىرىمدىق اۋماقتى قامتي الادى. ولار وزدەرىنە تيەسىلى اۋماقتاعى اتموسفەرانى تەكسەرىپ, LED-ەكرانعا ءار 10 مينۋت سايىن اۋانىڭ ساپاسى تۋرالى مالىمەت جىبەرىپ وتىرادى. «قازگيدرومەت» ماماندارىنىڭ ايتۋىنشا, اۋا ساپاسىن باقىلايتىن 4 بەكەتتەن تۇسكەن مالىمەتتەردىڭ ناتيجەسىندە قوستاناي قالاسىنىڭ جالپى ەكولوگيالىق احۋالى انىقتالادى.
– تۇرعىندار LED-ەكران بەتىنەن اۋاداعى شاڭ-توزاڭ, كۇكىرت, گاز كونتسەنتراتتارى دەڭگەيىن, وكسيد, ازوت ديوكسيدىنىڭ قانشالىقتى مولشەردە ەكەنىن كورە الادى. جالپى, وزگە قالالاردىڭ اتموسفەرالىق لاستانۋ كورسەتكىشىمەن سالىستىرعاندا قوستاناي قالاسىنىڭ اۋاسى اناعۇرلىم تازا, – دەيدى «قازگيدرومەتتىڭ» وبلىستىق فيليالىنا قاراستى زەرتحانا باستىعى نيكيتا رادچەنكو.
قوستاناي
