مەملەكەتتىك باسقارۋدىڭ تيىمسىزدىگى مەن مەملەكەتتىك قىزمەتتىڭ تارتىمدى بولماۋى تەجەۋىش فاكتورلار.
جولداۋدا ۇلكەن وزگەرىستەر جونىندە ايتىلدى. بىردەن 4 قۇرىلىمنىڭ جاساقتالاتىنى ءمالىم بولدى. ەڭ الدىمەن شەشىمدەرى تالقىعا سالىنبايتىن رەفورمالار جونىندەگى پرەزيدەنتتىك كەڭەس قۇرىلاتىنى حابارلاندى. اتالعان قۇرىلىم قازىر جۇمىسى ءبىراز باياۋلاعان ۇكىمەتكە قاراستى ەكونوميكالىق ساياسي كەڭەستىڭ ورنىن باسادى دەپ كۇتىلۋدە. زەينەتاقى جۇيەسى, الەۋمەتتىك ساياساتقا قاتىستى رەفورمالار مەملەكەت باسشىسىنىڭ دەڭگەيىندە تالقىلانىپ, شەشىلۋى ءتيىس. بۇگىندە وسىنداي ناقتى شەشىم قابىلدايتىن قۇرىلىم جەتىسپەي جاتىر ەدى.
ودان كەيىن ستراتەگيالىق جوسپارلاۋ جانە رەفورمالار, باسەكەلەستىكتى قورعاۋ جانە دامىتۋ اگەنتتىكتەرىنىڭ جاساقتالاتىنى جونىندە ايتىلدى. ۇلتتىق ەكونوميكا مينيسترلىگىنىڭ مىندەتىندە بولعان بۇل فۋنكتسيالار پرەزيدەنت اكىمشىلىگىنە تاپسىرىلدى. ەندىگى كەزەكتە پرەزيدەنت اكىمشىلىگى تاپسىرما بەرىپ, ونى باقىلاۋىنا الادى, ۇكىمەت ورىنداعان جۇمىستىڭ تيىمدىلىگىن سارالايدى. بۇعان دەيىن مەملەكەتتىك قىزمەتكەرلەر وزدەرى تاپسىرما ورىنداپ, وزدەرى باقىلايتىن. شىنداپ كەلگەندە سول سەبەپكە بايلانىستى قاناعاتتاندىرارلىق ناتيجەگە قول جەتپەيتىن.
تاعى ءبىر قۋانتارلىق جايت, توتەنشە جاعدايلار مينيسترلىگىنىڭ قۇرىلۋى. جۋىردا ءوزىم دە ورتپەن بەتپە-بەت كەلدىم. توتەنشە جاعداي قىزمەتى قارجىلاندىرۋدى قاجەت ەتەدى. ويتكەنى تابيعي اپاتتىڭ سانى كەمي قويمايدى.
راحىم وشاقباەۆ,
ۇلتتىق قوعامدىق سەنىم كەڭەسىنىڭ مۇشەسى, «تالاپ» قولدانبالى زەرتتەۋلەر ورتالىعىنىڭ ديرەكتورى
