5-6 قىركۇيەك كۇندەرى ارالىعىندا "حان-شاتىر" ساۋدا ويىن-ساۋىق ورتالىعىنىڭ جانىندا تۇركىستان وبلىسى اكىمدىگىنىڭ ۇيىمداستىرۋىمەن اۋىل شارۋاشىلىعى ونىمدەرىنىڭ جارمەڭكەسى وتكىزىلەدى.
جارمەڭكەدە تۇركىستان وبلىسى شارۋالارى مەن ديحاندارى 447,2 توننا اۋىل شارۋاشىلىعى ونىمدەرىن نارىقتىق ساتىلىمنان 15 – 20 پايىزعا تومەن باعامەن قالا تۇرعىندارى مەن قوناقتارىنا ۇسىنادى.
اتاپ ايتقاندا, 34 جۇك كولىگىنە تيەلگەن 267,7 توننا كوكونىس, باقشا, كارتوپ, 29,5 توننا جەمىس-جيدەكتەر, 72 توننا ەت جانە ەت ونىمدەرى, 47,5 توننا ءسۇت ونىمدەرى, 10 توننا بالىق, 6 توننا اسەل, 14,5 توننا جەمىس شىرىنى مەن كونسەرۆى ونىمدەرى.
تۇركىستان اكىمدىگى نەگىزگى ونىمدەر بويىنشا باعالارعا دا تالداۋ جاساعان. ماسەلەن, نۇر-سۇلتان قالاسىندا سيىر ەتىنىڭ نارىقتاعى ورتاشا باعاسى 2000 – 2100 تگ/كگ قۇراسا, جارمەڭكەدە 1700-1800 تگ/كگ., قاربىز, قاۋىن 130-200 تگ/كگ. بولسا, جارمەڭكەدە 75-100 تگ/كگ., كوكونىس ونىمدەرىنىڭ ورتاشا باعاسى 150-200 تگ/كگ. بولسا, جارمەڭكەدە 100-150 تگ/كگ. قالا تۇرعىندارى مەن قوناقتارىنا ساتىلادى.
5 جانە 6 قىركۇيەكتە الماتى وبلىسىنان اۋىل شارۋاشىلىعى ونىمدەرى جارمەڭكەسىنە ءۇش قالا – تەكەلى, قاپشاعاي جانە تالدىقورعان قالالارى جانە 17 اۋدان قاتىسادى.
جالپى العاندا, 370,4 توننا اۋىل شارۋاشىلىعى ءونىمى نەمەسە 48 اتالى ءونىم اكەلىنەدى.
فەرمەرلەر 44,5 توننا ەت, 16,1 توننا ءسۇت ونىمدەرىن, 113,6 توننا كوكونىس, 14,7 توننا بالىق, 38 توننا جەمىس-جيدەك, 42,6 توننا كارتوپ, 100 توننا باسقا دا ونىمدەر اكەلەدى.
جالپى سوماسى 170,5 ملن تەڭگەنىڭ ءونىمىن ساتۋ جوسپارلانۋدا.
جارمەڭكەگە كەلۋشىلەر قاتاڭ سانيتارلىق-گيگيەنالىق تالاپتاردى ساقتاۋ قاجەت: ماسكا تاعۋ, قاشىقتىقتى ساقتاۋ جانە مىندەتتى تۇردە انتيسەپتيكتەردى قولدانۋ.
