پرەزيدەنت قاسىم-جومارت توقاەۆ "جاڭا جاعدايداعى قازاقستان: ءىس-قيمىل كەزەڭى" جولداۋىندا تسيفرلىق تەڭسىزدىكتى جويۋ, ينتەرنەتكە بارىنشا قول جەتكىزۋدى جانە بارلىق ازاماتتاردى ساپالى بايلانىسپەن قامتاماسىز ەتۋ قاجەتتىگىنە ەرەكشە نازار اۋداردى.
ب. مۋسين بۇگىنگى تاڭدا قازاقستاندىقتاردى ساپالى ينتەرنەتپەن قامتاماسىز ەتۋ بويىنشا ەكى جوبا ىسكە اسىرىلىپ جاتقانىن اتاپ ءوتتى, ولار: اۋىلدىق ەلدى مەكەندەردە تالشىقتى-وپتيكالىق بايلانىس جەلىلەرىن سالۋ جانە ينتەرنەتكە ءموبيلدى كەڭجولاقتى قوسىلۋ, ولار وسى جىلدىڭ سوڭىنا دەيىن اياقتالادى. بۇل 250-دەن استام تۇرعىنى بار بارلىق اۋىلداردى ساپالى ينتەرنەتپەن قامتاماسىز ەتەدى. سونداي-اق بايلانىس ساپاسىن ارتتىرۋ ءۇشىن مىناداي شارالار قابىلدانادى:
بايلانىس ساپاسىنىڭ پارامەترلەرى ايقىندالادى;
ينتەرنەت ساپاسى بويىنشا دەرەكتەردى تىركەۋگە جانە بەرۋگە مۇمكىندىك بەرەتىن حالىقتىق باقىلاۋ قۇرالى ەنگىزىلەدى;
بايلانىس وپەراتورلارىنا قويىلاتىن تالاپتاردى ارتتىرۋ بويىنشا بىرقاتار باسقا دا زاڭنامالىق تۇزەتۋلەر پىسىقتالادى.
سونىمەن قاتار مەملەكەت باسشىسى ءوزىنىڭ جىل سايىنعى جولداۋىندا جىل سوڭىنا دەيىن اسا سۇرانىسقا يە انىقتامالار مەن قاعاز راستاۋلاردى الىپ تاستاۋدى, اقپاراتتى تسيفرلىق راستاۋدى قامتاماسىز ەتۋدى تاپسىردى. حالىقتىڭ ەلەكتروندىق سەرۆيستەرمەن ءوزارا ءىس-قيمىلىن جەڭىلدەتۋ ءۇشىن مەملەكەتتىك قىزمەتتەر دەڭگەيىندە جانە جەكە بيزنەستە بيومەتريانى كەڭىنەن قولدانۋ قاجەت ەكەندىگى اتاپ ءوتىلدى. ب. ءمۋسيننىڭ ايتۋىنشا, قر ءتسدياوم قىزمەت الۋشىلاردىڭ Egov-تا ءبىر قادام ارقىلى تىركەلۋىن جۇزەگە اسىرۋدا. بۇل قولدانۋشىلارعا بيومەتريالىق سايكەستەندىرۋدەن ءوتىپ, كەز-كەلگەن قىزمەتكە قول قويۋعا مۇمكىندىك بەرەدى.
"سونىڭ ناتيجەسىندە, كوپتەگەن ادامدار ەgov قىزمەتتەرىن پايدالانا الاتىن بولادى. ونلاين-كوممەرتسيالىق قىزمەتتەردى دامىتۋ ءۇشىن بيزنەسكە دە سەنىمدى بيومەتريالىق قۇرال ۇسىنىلادى. ازامات پايدالانۋشى بولعاننان كەيىن تسيفرلىق قۇجات قىزمەتىن قاعاز قۇجاتتارمەن تەڭ قولدانا الادى", — دەدى ءمينيستردىڭ م. ا. جىل سوڭىنا دەيىن جۇرگىزۋشى كۋالىگىن, كولىكتىڭ تەحنيكالىق تولقۇجاتىن, ازاماتتىڭ تولقۇجاتىن, جوعارى ءبىلىم تۋرالى ديپلومدى, ستۋدەنتتىك بيلەتتى, ساقتاندىرۋ ءپوليسىن شىعارۋ جوسپارلانۋدا.
سونداي-اق جىل سوڭىنا دەيىن 30-عا جۋىق سۇرانىسقا يە انىقتاما الىپ تاستالادى. شىنايىلىقتى راستاۋ QR كودتى وقۋ ارقىلى قامتاماسىز ەتىلەتىن بولادى. ب. مۋسين ق. توقاەۆتىڭ ايتۋىنشا, جاڭا دەڭگەيگە شىعۋى ءتيىس "دەرەكتەرمەن" جۇرگىزىلىپ جاتقان جۇمىس تۋرالى تولىعىراق ايتىپ بەردى.
ء"بىز ءبىر جىل ىشىندە ەتالوندىق دەرەكتەردىڭ بىرىڭعاي ارحيتەكتۋراسىن ازىرلەيمىز. Smart Data Ukimet مەملەكەتتىك ورگانداردىڭ ۆەدومستۆوارالىق تالداۋ جۇيەسى رەتىندە جەتىلدىرىلەدى. اقاۋعا توزىمدىلىكتى قامتاماسىز ەتۋ ءۇشىن ءبىز "ۇلتتىق اقپاراتتىق تەحنولوگيالار" اكتسيونەرلىك قوعامى تۇلعاسىنداعى دەرەكتەر وپەراتورىنىڭ ينفراقۇرىلىمىندا اقپاراتتىق جۇيەلەردى شوعىرلاندىرۋدى جالعاستىرامىز. اتالعان ماقساتتار ءۇشىن مەملەكەتتىك داتا ورتالىقتى دامىتۋ ۇسىنىلادى", — دەدى ب. مۋسين.
قر ءتسدياوم تالداۋى كورسەتكەندەي, وتاندىق ات-ونىمدەر مەملەكەتتىك جانە كۆازيمەملەكەتتىك ساتىپ الۋلارداعى حالىقارالىق انالوگتاردى جىلىنا 56 ملرد تەڭگەگە الماستىرا الادى. ول ءۇشىن سەنىمدى وتاندىق باعدارلامالار ءتىزىلىمىنىڭ تەتىگى بار. بۇل تىزىمنەن ساتىپ الۋ باسىم تارتىپپەن جۇرگىزىلۋى ءتيىس. ال باسقا جەكەمەنشىك نارىقتاردا وتاندىق ات-ونىمدەردىڭ الەۋەتى 142 ملرد تەڭگەنى قۇرايدى.
"وسى ساندارعا قول جەتكىزۋ ءۇشين بىزگە وففتەيك كونتراكتتار, نەسيەلەر الۋعا كرەديتتىك گارانتيالار جانە تاعى باسقا قۇرال تۇرلەرىن دامىتۋ قاجەت. اتالعان ناتيجەلەرگە قول جەتكىزگەن سوڭ شەتەلدىك نارىققا دا شىعۋعا ۇمتىلاتىن بولامىز", — دەدى ب. مۋسين.
قاسىم-جومارت توقاەۆ جولداۋدا بەس جىل ىشىندە ماينينگ يندۋسترياسى مەن داتا-ورتالىقتارعا سالىناتىن ينۆەستيتسيا كولەمىن 500 ملرد تەڭگەگە دەيىن جەتكىزۋ كەرەكتىگىن اتاپ ءوتتى. بۇگىنگى تاڭدا قازاقستاندا 13 ماينينگ فەرماسى جۇمىس ىستەيدى (620 مۆت تۇتىناتىن).
سونداي-اق 4 فەرما (450 مۆت جۋىق) سالىنىپ جاتىر. بۇل سالاعا 80 ملرد استام تەڭگە ينۆەستيتسيا تارتىلعان. قازىرگى تاڭدا تاعى دا 300 ملرد تەڭگەگە ينۆەستيتسيا تارتۋ بويىنشا الدىن الا كەلىسىمدەر بار. ال 2025 جىلعا قاراي ينۆەستيتسيا كولەمى شامامەن 500 ملرد تەڭگەنى قۇراۋى جوسپارلانۋدا. قر ءتسدياوم وسى باعىتتاعى جۇمىستاردى قارقىندى ارى قاراي جالعاستىرۋدى كوزدەپ وتىر.
