دوساەۆتىڭ حابارلاۋىنشا, پرەزيدەنتتىڭ بۇعان دەيىن بەرگەن تاپسىرماسىنا سايكەس, اقشا-كرەديت ساياساتىنىڭ 2030 جىلعا دەيىنگى ستراتەگياسى ازىرلەنۋدە. ول ەلدىڭ 2025 جىلعا دەيىنگى جاڭارتىلعان ستراتەگيالىق دامۋ جوسپارى قابىلدانعاننان كەيىن بەكىتىلمەك.
"اقشا-كرەديت ساياساتىن ىسكە اسىرۋدىڭ تيىمدىلىگىن ارتتىرۋ جانە ۆاليۋتا نارىعىن تۇراقتاندىرۋ ءۇشىن ۇكىمەتپەن بىرلەسىپ, ۆاليۋتالىق ءتۇسىمدى ەلگە قايتارۋعا ارنالعان قوسىمشا شارالار پىسىقتالادى جانە ەكسپورتتاۋشىلاردىڭ ونى ىسكە اسىرۋى ءۇشىن قولايلى جاعدايلار جاسالادى.
اقشا-كرەديت ساياساتىنىڭ 2030 جىلعا دەيىنگى ستراتەگياسىندا ۇلتتىق بانك جانىندا اقشا-كرەديت ساياساتى جونىندەگى كوميتەت قۇرۋ ەسكەرىلەدى, ونىڭ باستى مىندەتى – بازالىق ستاۆكا مەن ونىڭ ءدالىزىنىڭ مولشەرى بويىنشا ستراتەگيالىق شەشىمدەر قابىلداۋ. ورتا مەرزىمدى پەرسپەكتيۆادا وعان تاۋەلسىز مۇشەلەر كىرەدى. زاڭنامالىق اكتىلەرگە ءتيىستى وزگەرىستەر 2020 جىلدىڭ سوڭىنا دەيىن ەنگىزىلەتىن بولادى", - دەدى ول.
سونداي-اق, ەكونوميكالىق ءوسۋدى قالپىنا كەلتىرۋ ماقساتىندا داعدارىس سالدارىنان ايتارلىقتاي زارداپ شەككەن سەكتورلارداعى كاسىپورىنداردى قولداۋ ءۇشىن قوسىمشا 200 ملرد تەڭگە بولىنەدى.
"سالالار تىزبەسىن ۇكىمەت "اتامەكەن" ۇكپ-مەن بىرلەسىپ انىقتايتىن بولادى. ۇلتتىق بانكتىڭ جەڭىلدىكپەن كرەديتتەۋ باعدارلاماسى 800 ملرد تەڭگەگە دەيىن جەتكىزىلىپ, 2021 جىلدىڭ سوڭىنا دەيىن ۇزارتىلادى", - دەدى ۇلتتىق بانك باسشىسى.
