اسىرەسە, الەمدى ابىگەرگە سالعان پاندەميا كەزىندە قازاق ەلىنىڭ العان باعىتى مەن ۇستانعان جولىنان جاڭىلماۋى ءۇشىن اۋىز تولتىرىپ ايتۋعا بولاتىن اۋقىمدى ۇسىنىستار جاسالىپ, ءتيىستى تاپسىرمالار بەرىلدى. وسىلايشا, اتالعان جولداۋدا ماڭىزدى ستراتەگيالىق, الەۋمەتتىك, قۇقىقتىق سالالارعا باسا نازار اۋدارىلدى. قوعامدىق قاتىناستاردىڭ بارلىق سالاسىندا ورىن الىپ جاتقان وزەكتى ماسەلەلەر كوتەرىلدى جانە ونى شەشۋ جولدارى ايقىندالدى. بۇل قادامنىڭ بارلىعى ەڭ الدىمەن ۇلتتىق قاۋىپسىزدىكتى قامتاماسىز ەتۋ ماقساتىندا جاسالىپ وتىرعانىن دا جاقسى تۇسىنەمىز.
سونىمەن قاتار ءاربىر ارەكەتتە ادىلدىك, ادالدىق, تەڭدىك قاعيدالارىن ۇستانۋ دا اسا ماڭىزدى ەكەنىن ۇعىندىق. مەملەكەتتىك كىرىستەردى بولۋدە دە وسى ۇستانىمنان جاڭىلماعانىمىز ءجون. جاڭا الەۋمەتتىك كودەكستىڭ دە وتانداستارىمىز ءۇشىن ماڭىزى ارتادى دەپ سەنەمىن. بۇل رەتتە, مەملەكەتتىڭ قوعاممەن, ازاماتتىق باقىلاۋمەن ءوزارا ارەكەتتەسۋ ماسەلەسى دە ەل پرەزيدەنتىنىڭ ەرەكشە نازارىندا ەكەنىن ايتۋ ماڭىزدى بولىپ وتىر. سەبەبى, قوعام – مەملەكەتتىك ورگانداردىڭ قىزمەتىن باعالاۋ, جوسپارلاۋ جانە ورىنداۋ كەزىندە سەنىمدى سەرىكتەس ىسپەتتى.
زاڭگەر رەتىندە مەن ءۇشىن اۋقىمدى قۇقىقتىق بلوك ماڭىزدى بولدى. زاڭ ۇستەمدىگىن مىقتاپ ورناتۋ قاجەت. ادامداردىڭ كونستيتۋتسيالىق قۇقىعى بارلىق سالالاردا قورعالۋعا ءتيىس. سونىڭ ىشىندە پوليتسيا, پروكۋراتۋرا, سوت جانە وزگە دە مەملەكەتتىك ورگاندار بار. مەن وسىنى قولدايمىن. ازاماتتاردى ايىپتاۋشىلىق باعىتتان الشاقتاپ, وتانداستارىمىزعا سەرۆيستىك قىزمەت كورسەتۋگە ۇمتىلعانىمىز ءجون بولار ەدى. ول ءۇشىن كادر تاڭداۋ ماسەلەسىندە ءاردايىم اشىقتىق بولۋعا ءتيىس. قاي سالادا بولسىن, قوعامدىق باقىلاۋدى قامتاماسىز ەتە ءبىلۋىمىز كەرەك.
مارات ءباشىموۆ,
ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى
