قىركۇيەكتىڭ ورتاسىنا دەيىن تولىق قامتىلادى

بيىلعى وقۋ جىلىندا وڭ­تۇستىك استانادا 193 كەزەكشى توپ اشىلسا, وندا 1977 وقۋشى ءبىلىم الۋدا. مەكتەپتەر دەزينفەك­تسيالايتىن ءارى سانيتارلىق قاۋىپ­سىزدىك قۇرالدارىمەن قامتاماسىز ەتىلىپ, ساقتىق شارالارىمەن تو­لىق قامتاماسىز ەتىلگەن. دەسەك تە, ءبىلىم الۋشىلاردى تولعاندىرىپ وتىرعان باستى ماسەلە – ينتەرنەت جەلىلەردىڭ جۇمىسى.

بالالارى ءبىرىنشى سىنىپقا بارعان اتا-انالارمەن اڭگىمە­مىزدە قوعامنىڭ تسيفرلاندىرۋ باعدارلاماسى تەك مەكتەپ وقۋ­شىلارى مەن ستۋدەنتتەردى عانا قامتىپ قويماي, ەرەسەكتەرگە دە ارنالعان ارنايى باعدار­لامانىڭ قاجەتتىلىگى مەن گادجەت, سمارتفوندار ءتىلىن مەڭگەرۋدە جەڭىلدەتىلگەن جەدەل ونلاين كۋرس­تاردىڭ, تەتىكتەردىڭ قول­جە­تىمدى بولۋىنا مەڭزەيدى.

مەملەكەت باسشىسى ق.توقاەۆ بيىلعى جولداۋىندا قاشىقتان وقىتۋ ءىسىن ۇيىمداستىرۋدا ۇكىمەتتىڭ جىبەرگەن قاتەلىكتەرىنە توقتالا كەلە, ءالى كۇنگە دەيىن ناقتى ءبىر ونلاين-پلاتفورما جوقتىعىن نازارعا العان بولاتىن. مەملەكەت باسشىسىنىڭ بۇل ماسەلەنى اتاپ ءوتۋى جالپى قوعام­داعى تسيفرلى دامۋ تەتىك­تەرىنىڭ كوپشىلىككە قولجەتىم­سىزدىگىن كورسەتسە كەرەك. جولداۋدا قالىپتاسقان ءداستۇرلى وقىتۋ ادىسىنە قايتا كوشۋدىڭ ءتارتىبى دە نازارعا الىنعان بولاتىن. وسى ورايدا الماتىدا 2020-2021 جىلدارى 16 جاڭا مەكتەپ جانە 23 قوسالقى نىسان سالۋ جوس­پارلانعان, مۇندا شامامەن 47,5 مىڭ ورىن قاراستىرىلعان. بيىلعى وقۋ جىلىندا اۋەزوۆ اۋدا­نىنىڭ «مامىر» شاعىن اۋدانىندا 1200 ورىنعا ارنال­عان №202 مەكتەپ-گيمنازيا جا­نە تۇركسىب اۋدانىنىڭ «نۇر­شاش­قان» شاعىن اۋدانىندا 600 ورىنعا ارنالعان №203 جالپى ءبىلىم بەرەتىن مەكتەپ اشىلدى.

بۇگىندە الماتى اگلومەرا­تسياسىنىڭ كەڭەيۋىنە بايلانىس­تى ءارى دەموگرافيالىق احۋال­دىڭ جاقسارۋىنان قالا حالقى جىلىنا ورتا ەسەپپەن 12 مىڭعا ارتىپ كەلەدى. وتكەن وقۋ جىلىندا وقۋشىلاردىڭ جالپى سانى 17 مىڭنان استام بالاعا وسسە, اعىمداعى كەزەڭدە وقۋشى ورنى­نىڭ تاپشىلىعى 30 مىڭدى قۇراعان بولاتىن. قالادا «جۇ­مىس­پەن قامتۋدىڭ جول كارتاسى – 2020» باعدارلاماسى بويىنشا

13 200 ورىندى توعىز مەكتەپ, مەكتەپتەر جانىنان 6550 ورىندى 13 قوسالقى نىسان, ال مەملەكەتتىك جەكەمەنشىك ارىپتەستىك اياسىندا 5700 ورىندى بەس مەكتەپ سالۋ جوس­پارلانعان-دى. وسىلايشا, 2021 جىلدىڭ سوڭىنا دەيىن ورىن تاپشىلىعىن 83 پايىزعا دەيىن قىسقارتۋعا ۋادە ەتكەن قالا باسشىسى سونىمەن قاتار از قامتىلعان وتباسىلارداعى با­لالاردى كومپيۋتەرلىك تەحنيكامەن قامتاماسىز ەتۋگە كوڭىل بولىنگەنىن ايتقان بولاتىن.

قالا مەكتەپتەرىنىڭ جاڭا وقۋ جىلىنا دايىندىعى تۋرالى ونلاين بريفينگتەگى اقپاراتىندا ءبىلىم باسقارماسىنىڭ باسشىسى ل.جىلقىباەۆا تەحنيكالىق دياگنوستيكالاۋ قورىتىندىسى بويىنشا ينتەرنەت جانە ۇيالى بايلانىس دەڭگەيى تومەن 169 نۇكتە انىقتالعانىن اتاپ وتكەن ەدى. بۇگىنگى تاڭدا ونىڭ 141-ىندە جۇمىستار اياقتالعان. سونىمەن بىرگە قاڭتار ايىنان بۇگىنگە دەيىن ءموبيلدى بايلانىس وپەراتورلارى قالا بويىنشا بازالىق بولىپ سانالعان ستانسالار نەگى­زىندە 164 نۇكتەنى جاڭارتتى. ءتيىس­تى مەكەمە باسشىسىنىڭ ايتۋىنشا, وسىلايشا, قابىلدانعان شارالار ساپالى جانە ۇزبەي قاشىقتىقتان وقىتۋدا قاجەتتى جىلدامدىقتى ارتتىرىپ وتىر ءارى ينتەرنەتكە قوسىلۋعا مۇقتاج 22 مىڭنان استام وقۋشىعا ارناپ SIM-كارتالار مەن روۋتەرلەر ساتىپ الىنعان. مۇنىمەن قوسا وقۋشىلاردى وقۋ ماتەريالدارىمەن ءجۇز پايىزعا دەيىن قامتاماسىز ەتۋ جۇمىستارى جالعاسىن تابۋدا. ال قاشىقتىقتان وقىتۋعا جۇ­مىلدىرىلعان مۇعالىمدەر قۇرامى Bilimland.kz, Opiq.kz, Kundelik.kz, Microsoft.Teams سياق­تى تسيفرلى ساۋاتتىلىقتىڭ ءتيىستى كۋرستارىنان وتكەن. سونداي-اق 1-11-سىنىپ وقۋشىلارىنىڭ قاشىقتان وقۋى ءۇشىن ۆيدەو­سا­باقتاردى دايىن­داۋدا دا ءتيىس­تى جۇمىستار جولعا قو­يىل­­عان. وسى باعىتتا 400-دەن استام بەي­نەساباق تۇسىرىلگەن. ال قا­شىقتان وقىتۋعا تەحنيكالىق دا­يىندىقتى قامتاماسىز ەتۋدە 75 مىڭنان استام بالا جانە 2,2 مىڭ مەكتەپ مۇعالىمدەرى كومپيۋ­تەرمەن قامتاماسىز ەتىلەدى. قازىر تەحنيكانىڭ تورتتەن ءبىرى قولعا ءتيدى. ال اعىمداعى جىلدىڭ 15 قىركۇيەگىنە دەيىن مەكتەپتەر كومپيۋتەرلىك قۇرالدارمەن تولىق قامتاماسىز ەتىلمەك.

الماتى